QR Premer-Ministri Asqar Mamin Nur-Sultan qalasyndaǵy «SQ-Farmatsiia» logistikalyq habyna baryp, onda COVID-19-dan emdeýge arnalǵan dárilerdiń bar-joǵymen jáne QR densaýlyq saqtaý mekemelerin meditsinalyq dári-dármektermen qamtamasyz etý boiynsha qabyldanyp jatqan sharalarmen tanysty.
Bul týraly Úkimettiń resmi saity habarlady.
Densaýlyq saqtaý ministri A.Tsoi men «SQ-Farmatsiia» basqarma tóraǵasy E. Esqaliev aýrýhanalar men provizorlyq ortalyqtardy dári-dármekpen qamtamasyz etý úshin dárilik preparattardyń 91 ataýy jetkiziletinin baiandady. Ótken aida meditsinalyq preparattar óńirler boiynsha 8,7 mlrd teńgege bólindi.
Aýrýhanalardyń qajettilikterin qamtamasyz etý úshin jedel túrde qosymsha dári-dármekter satyp alyndy, emdelýshiler ambýlatoriialyq deńgeide tegin ala alatyn dári-dármekter tizimi keńeitildi (paratsetamol, ibýprofen, rivaroksaban, dabigatran jáne apiksaban engizildi).
COVID-19-dyń ekinshi tolqyny bastala qalsa, kompaniiada 24 mlrd teńge somasyna eki ailyq dári-dármek qory qurylýda, sondai-aq karantin kezeńinde jekemenshik dárihanalardy naryq óz betinshe tolyqtyra almaityn 19 tapshy dári-dármekpen jabdyqtaý máselesi pysyqtalyp jatyr. «SQ-Farmatsiia» olardy qalalar men aýyldyq eldi mekenderdegi ár dárihanaǵa deiin tolyq jetkizedi.
Úkimet basshysyna kompaniianyń logistikasyn jaqsartý sharalary týraly baiandaldy: josparly reister sany 1,7 esege artty, tieý merzimi 2 aptadan 1 aptaǵa deiin qysqartyldy, taýarlardy habtardan óńirlerge bólý Cross-docking qaǵidaty boiynsha júzege asyrylady, al qoimalardyń jumysy 24/7 rejimine kóshirildi.
Premer-Ministr óńirlerge dári-dármekterdiń tielýin erekshe baqylaýǵa alýdy, kúzgi-qysqy maýsymda COVID-19-dan emdeý úshin barlyq qajetti meditsinalyq preparattardyń bolýyn qamtamasyz etýdi, dári-dármekterge qajettilik artqan jaǵdaida shuǵyl áreket etýdi, sondai-aq bólshek saýda sektoryn tapshy dári-dármekpen tolyqtyrý boiynsha tapsyrmany oryndaýdy qamtamasyz etýdi tapsyrdy.
Meditsinalyq ónimder men dárilik preparattardy otandyq óndirýshilerdi qoldaý boiynsha júieli sharalardy qabyldaý qajettigine erekshe nazar aýdaryldy.
«SQ-Farmatsiia» logistikalyq habyn aralaýǵa Premer-Ministrdiń orynbasary E. Toǵjanov, indýstriia jáne infraqurylymdyq damý ministri B. Atamqulov, densaýlyq saqtaý ministri A. Tsoi, densaýlyq saqtaý vitse-ministri L. Biýrabekova qatysty.
