QR Premer-Ministri Asqar Mamin jumys sapary aiasynda Shyǵys Qazaqstan oblysynyń kóktemgi egis jumystary men energetika, ónerkásip, turǵyn úi jáne áleýmettik infraqurylym salalaryndaǵy iri jobalardy iske asyrý barysyn tekserdi, dep habarlaidy primeminister.kz.
Altai aýdanynda Úkimet basshysy «Nivy Altaia» JShS-niń egis alqaptarynyń qurylymymen jáne kóktemgi dala jumystarynyń barysymen, Turǵysyn SES qurylysymen, sondai-aq Altai qalasynyń aýdanaralyq aýrýhanasynyń insýlttik jáne kardio ortalyqtarynyń qyzmetimen tanysty.
Óskemen qalasynda Premer-Ministr QR-nyń iri mashina jasaý jáne metallýrgiia kásiporyndaryna — Óskemen ónerkásiptik armatýra zaýyty men Óskemen titan-magnii kombinatyna baryp, olardy odan ári damytý josparlarymen tanysty.
Úkimet basshysy Óskemen qalasynyń jańa shaǵyn aýdanyndaǵy «Nurly jer» memlekettik baǵdarlamasy aiasynda salynyp jatqan áleýmettik turǵyn úi qurylysyn tekserdi. Munda jalpy aýdany 400 myń sharshy metrge jýyq 48 úi salý josparlanǵan.
D. Serikbaev atyndaǵy Shyǵys Qazaqstan memlekettik-tehnikalyq ýniversitetine barǵan kezde Úkimet basshysyna ǵylymi-zertteý jáne tájiribelik-konstrýktorlyq, onyń ishinde importty almastyrýǵa baǵyttalǵan ázirlemeler usynyldy.
A. Mamin oblystyq balalar aýrýhanasyna baryp, onda reanimatsiialyq jáne operatsiialyq bloktardyń jumysymen, sonymen qatar COVID-19-dan emdeý úshin immýndyq plazma bólý jónindegi ǵylymi jobamen tanysty.
