QR Premer-Ministri Asqar Mamin «Astana» halyqaralyq qarjy ortalyǵynyń alańynda iri sheteldik investorlar – «Blackrock», «Capital Group», «Aberdeen Asset Management», «Sands Capital», «Luxor Capital» jáne «Lugard Road Capital» ókilderimen kezdesti, dep habarlaidy "Ult aqparat" Úkimet basshysynyń resmi saityna silteme jasap.
Qazaqstannyń investitsiialyq múmkindikteri jáne el men aimaqta shetel kapitalynyń bolýyn keńeitý perspektivalary talqylandy. «Astana» halyqaralyq qarjy ortalyǵynyń óńirge qajetti biregei infraqurylymyna erekshe nazar aýdaryldy.
Úkimet basshysy ekonomikanyń senimdi qalpyna kelý serpini aiasynda Qazaqstannyń investitsiialyq tartymdylyǵynyń artyp kele jatqanyn atap ótti.
Biylǵy on aidyń qorytyndysy boiynsha JIÓ ósimi 3,5%-ǵa deiin jedeldedi. Qalpyna kelýdiń neǵurlym joǵary qarqynyna qurylysta (+7,6%), óńdeý ónerkásibinde (+5,3%) jáne qyzmet kórsetý salasynda (+3,4%) qol jetkizildi.
Ekonomikanyń belsendi qalpyna kelýi aiasynda tikelei sheteldik investitsiialar aǵynynyń ósýi baiqalady. Máselen, 2021 jyldyń I jartyjyldyǵynyń qorytyndysy boiynsha QR ekonomikasyna salynǵan TShI kólemi 30,4%-ǵa ulǵaidy jáne $11,1 mlrd qurady. Biylǵy jyldyń 10 aiynda qarjy sektoryna salynǵan investitsiialar kólemi 12,1%-ǵa ósti.
Sheteldik kompaniialardyń ókilderi sheteldik investorlar úshin jaǵymdy signaldardyń biri 2020 jyly London qor birjasy (LSE) men AIX-tegi Kaspi.kz tabysty IPO-sy bolǵanyn atap ótti. Bul rette, ózekti jahandyq trendterdi eskere otyryp, sheteldik kapitaldyń ESG-qaǵidattaryn engizýge jáne dekarbonizatsiialaýǵa baǵdarlanǵany erekshe atap ótildi.
Sondai-aq QR memlekettik aktivterin jekeshelendirý baǵdarlamasyn iske asyrý perspektivalary qaraldy.
Kezdesýge Eýropanyń damýshy naryqtary bóliminiń jetekshisi jáne «Blackrock» kompaniiasynyń aǵa portfeldik menedjeri Kris Kolýnga, «Capital Group» kompaniiasynyń aǵa portfeldik menedjeri Artýr Kei, «Aberdeen Asset Management» kompaniiasynyń jetekshi portfeldik menedjeri Adam Montanaro, «Sands Capital» kompaniiasynyń portfeldik menedjeri Tidja Boie, «Luxor Capital» kompaniiasynyń prezidenti Dýglas Snaider jáne «Lugard Road Capital» kompaniiasynyń basqarýshy seriktesi Dýglas Fridman qatysty.
Qazaqstan tarapynan kelissózderge Strategiialyq josparlaý jáne reformalar agenttiginiń tóraǵasy – AHQO basqarýshysy Qairat Kelimbetov, energetika ministri Maǵzum Myrzaǵaliev, tsifrlyq damý, innovatsiialar jáne aeroǵarysh ónerkásibi ministri Baǵdat Mýsin, «Samuryq-Qazyna» AQ basqarma tóraǵasy Almasadam Sátqaliev jáne t. b. qatysty.
