Mamin Resei Úkimeti basshysynyń orynbasarymen kezdesti

QR Premer-Ministri Asqar Mamin RF Úkimeti tóraǵasynyń orynbasary Marat Hýsnýllinmen kezdesý ótkizdi, dep habarlaidy primeminister.kz.

Taraptar saýda-ekonomika, ónerkásiptik kooperatsiia, tranzittik-kólik, qurylys salalaryndaǵy yntymaqtastyqty odan ári damytý, sondai-aq QR men RF aimaqaralyq yntymaqtastyǵynyń XVII forýmy aiasynda qol jetkizilgen joǵary deńgeidegi ýaǵdalastyqtardy iske asyrý máselelerin talqylady.

Kelissóz barysynda kólik infraqurylymynyń ozyq damýy, eki eldiń tranzittik áleýetin kúsheitý jáne «Batys Eýropa – Batys Qytai», «Soltústik – Ońtústik» dálizderi jáne EAEO keńistigindegi basqa baǵyttar aiasyndaǵy aimaqtyq kóliktik ózara bailanys máselelerine erekshe nazar aýdaryldy. 

QR Premer-Ministri infraqurylymdy damytý jumystaryn úilestirý, sondai-aq Qazaqstan-Resei shekarasy arqyly ótkizý pýnktterin rekonstrýktsiialaý arqyly kólik áleýetiniń tiimdiligin arttyrý qajet ekenin atap ótti.

Resei – Qazaqstannyń negizgi saýda-ekonomikalyq seriktesi. Biyl elder arasyndaǵy saýda-ekonomikalyq yntymaqtastyq serpini birtindep qalpyna keltirilip jatyr. 

Osy jylǵy qańtar-shilde ailarynda ekijaqty taýar ainalymy $12,7 mlrd qurady.

Bul 2020 jylǵy sáikes kezeńiniń kórsetkishinen 26,7%-ǵa joǵary. 

Qazirgi dinamika saqtalǵan jaǵdaida, eki el arasyndaǵy saýda kólemi biyl $20 mlrd-tan asýy múmkin.