مامين رەسەي ٷكٸمەتٸ باسشىسىنىڭ ورىنباسارىمەن كەزدەستٸ

قر پرەمەر-مينيسترٸ اسقار مامين رف ٷكٸمەتٸ تٶراعاسىنىڭ ورىنباسارى مارات حۋسنۋللينمەن كەزدەسۋ ٶتكٸزدٸ, دەپ حابارلايدى primeminister.kz.

تاراپتار ساۋدا-ەكونوميكا, ٶنەركەسٸپتٸك كووپەراتسييا, ترانزيتتٸك-كٶلٸك, قۇرىلىس سالالارىنداعى ىنتىماقتاستىقتى ودان ەرٸ دامىتۋ, سونداي-اق قر مەن رف ايماقارالىق ىنتىماقتاستىعىنىڭ XVII فورۋمى اياسىندا قول جەتكٸزٸلگەن جوعارى دەڭگەيدەگٸ ۋاعدالاستىقتاردى ٸسكە اسىرۋ مەسەلەلەرٸن تالقىلادى.

كەلٸسسٶز بارىسىندا كٶلٸك ينفراقۇرىلىمىنىڭ وزىق دامۋى, ەكٸ ەلدٸڭ ترانزيتتٸك ەلەۋەتٸن كٷشەيتۋ جەنە «باتىس ەۋروپا – باتىس قىتاي», «سولتٷستٸك – وڭتٷستٸك» دەلٸزدەرٸ جەنە ەاەو كەڭٸستٸگٸندەگٸ باسقا باعىتتار اياسىنداعى ايماقتىق كٶلٸكتٸك ٶزارا بايلانىس مەسەلەلەرٸنە ەرەكشە نازار اۋدارىلدى. 

قر پرەمەر-مينيسترٸ ينفراقۇرىلىمدى دامىتۋ جۇمىستارىن ٷيلەستٸرۋ, سونداي-اق قازاقستان-رەسەي شەكاراسى ارقىلى ٶتكٸزۋ پۋنكتتەرٸن رەكونسترۋكتسييالاۋ ارقىلى كٶلٸك ەلەۋەتٸنٸڭ تيٸمدٸلٸگٸن ارتتىرۋ قاجەت ەكەنٸن اتاپ ٶتتٸ.

رەسەي – قازاقستاننىڭ نەگٸزگٸ ساۋدا-ەكونوميكالىق سەرٸكتەسٸ. بيىل ەلدەر اراسىنداعى ساۋدا-ەكونوميكالىق ىنتىماقتاستىق سەرپٸنٸ بٸرتٸندەپ قالپىنا كەلتٸرٸلٸپ جاتىر. 

وسى جىلعى قاڭتار-شٸلدە ايلارىندا ەكٸجاقتى تاۋار اينالىمى $12,7 ملرد قۇرادى.

بۇل 2020 جىلعى سەيكەس كەزەڭٸنٸڭ كٶرسەتكٸشٸنەن 26,7%-عا جوعارى. 

قازٸرگٸ ديناميكا ساقتالعان جاعدايدا, ەكٸ ەل اراسىنداعى ساۋدا كٶلەمٸ بيىل $20 ملرد-تان اسۋى مٷمكٸن.