QR Premer-Ministri Asqar Mamin «Peterbýrg traktor zaýyty» AQ bas direktory Sergei Serebriakovpen kezdesý ótkizdi, dep habarlaidy "Ult aqparat" primeminister.kz portalyna silteme jasap.
Kezdesý barysynda yntymaqtastyq máseleleri jáne Qazaqstanda «Kirovets» traktorlary óndirisin damytý perspektivalary talqylandy.
Zaýyttyń bas direktory Sergei Serebriakov traktorlardy qurastyrýdy uiymdastyrý, quramdas bólikteri: aiqartopsaly bilik, dóńgelek diskileri jáne «AgromashHolding KZ» qýattylyǵynda basqa da jiyntyq bólikteri óndirisin qurý boiynsha yntymaqtastyqqa qyzyǵýshylyq tanytty.
Óndiristi jergiliktendirýdi úsh kezeńmen: 2019, 2021, 2023 jyldary iske asyrý josparlanǵan.
Kezdesý qorytyndysy boiynsha QR Premer-Ministri Asqar Mamin QR Indýstriia jáne infraqurylymdyq damý ministrligine «Peterbýrg traktor zaýyty» AQ-men birlesip, birlesken yntymaqtastyqty iske asyrý boiynsha Jol kartasyn ázirleýdi tapsyrdy.
Qazaqstanda «Peterbýrg traktor zaýyty» AQ ónimi suranysqa ie. QR Aýyl sharýashylyǵy ministrliginiń málimetinshe, jyl saiynǵy suranys shamamen 400 traktordy quraidy.
