Úkimet basshysy Asqar Mamin qazaqstandyqtardy Otan qorǵaýshy kúnimen quttyqtady. Bul týraly "Ult aqparat" QR Premer-Ministriniń baspasóz qyzmetine silteme jasap habarlaidy.
«Otandy qorǵaý - bizdiń halqymyz úshin qashan da qasietti paryz, abyroily mindet. Bizdiń baǵzydan jetken san ǵasyrlyq tarihymyzda kózsiz erlik pen qaharmandyqtyń, eli men jerin súiýdiń, shynaiy patriotizmniń jarqyn úlgisi az emes. Týǵan ólkeniń tynyshtyǵyn qorǵap ótken batyr babalarymyzdyń jaýyngerlik dástúrin búginde Táýelsiz Qazaqstannyń Qarýly kúshteri laiyqty jalǵastyryp keledi. Bizdiń áskerimiz tótenshe jaǵdai kezinde blokposttardyń jumysyn qamtamasyz etý, shet memleketterdegi otandastarymyzdy elge jetkizý, áskeri dala gospitaldaryn shuǵyl ornalastyrý jáne t.b. mindetterdi tiimdi sheshe otyryp, áskeri daiyndyq deńgeiiniń joǵary ekenin kórsetti. Sonymen qatar qazirgidei kúrdeli kezeńde Ulttyq gvardiianyń áskeri qyzmetshileri, quqyq qorǵaý jáne arnaiy memlekettik organdardyń qyzmetkerleri, áskeri jiyndarǵa shaqyrylǵan áskeri mindetti azamattar jáne óziniń qyzmettik boryshyn ótep júrgen barlyq qazaqstandyqtar aýqymdy da mańyzdy jumys atqarýda», - delingen quttyqtaýda.
