Eýropalyq odaq Ortalyq Aziia óńirine 110 mlrd eýrodan astam investitsiia saldy. Bul týraly Bishkekte «Eýropalyq Odaq – Ortalyq Aziia» ekonomikalyq forýmynda QR Úkimet basshysy Asqar Mamin málim etti, dep habarlaidy QazAqparat.
«Ortalyq Aziia elderi táýelsizdiginiń 30 jyldyǵyn atap ótip jatqan kezeńde osy forýmnyń uiymdastyrylýy simvoldyq mánge ie. Osy merzimde bizdiń elderdiń qol jetkizgen progresi ulttyq ekonomikalardy damytý men adamdardyń ómir sapasyn kóterý turǵysynan alyp qaraǵanda shyn máninde aýqymdy bolyp otyr. Osy oraida bul órleýdegi eleýli úles qosqan eýropalyq seriktesterge alyǵysymdy jetkizgim keledi», - dedi Asqar Mamin.
QR Úkimet basshysy sońǵy 10 jylda Eýropalyq odaqqa múshe elder óńirge 110 mlrd eýrodan astam investitsiia salǵanyn jetkizdi. Bul óz kezeginde óńirge kelip túsken tikelei shetel investitsiiasynyń jalpy kóleminen 40 paiyzǵa jýyq úlesin qurap otyr.
