ەۋروپالىق وداق ورتالىق ازييا ٶڭٸرٸنە 110 ملرد ەۋرودان استام ينۆەستيتسييا سالدى. بۇل تۋرالى بٸشكەكتە «ەۋروپالىق وداق – ورتالىق ازييا» ەكونوميكالىق فورۋمىندا قر ٷكٸمەت باسشىسى اسقار مامين مەلٸم ەتتٸ, دەپ حابارلايدى قازاقپارات.
«ورتالىق ازييا ەلدەرٸ تەۋەلسٸزدٸگٸنٸڭ 30 جىلدىعىن اتاپ ٶتٸپ جاتقان كەزەڭدە وسى فورۋمنىڭ ۇيىمداستىرىلۋى سيمۆولدىق مەنگە يە. وسى مەرزٸمدە بٸزدٸڭ ەلدەردٸڭ قول جەتكٸزگەن پروگرەسٸ ۇلتتىق ەكونوميكالاردى دامىتۋ مەن ادامداردىڭ ٶمٸر ساپاسىن كٶتەرۋ تۇرعىسىنان الىپ قاراعاندا شىن مەنٸندە اۋقىمدى بولىپ وتىر. وسى ورايدا بۇل ٶرلەۋدەگٸ ەلەۋلٸ ٷلەس قوسقان ەۋروپالىق سەرٸكتەستەرگە الىعىسىمدى جەتكٸزگٸم كەلەدٸ», - دەدٸ اسقار مامين.
قر ٷكٸمەت باسشىسى سوڭعى 10 جىلدا ەۋروپالىق وداققا مٷشە ەلدەر ٶڭٸرگە 110 ملرد ەۋرودان استام ينۆەستيتسييا سالعانىن جەتكٸزدٸ. بۇل ٶز كەزەگٸندە ٶڭٸرگە كەلٸپ تٷسكەن تٸكەلەي شەتەل ينۆەستيتسيياسىنىڭ جالپى كٶلەمٸنەن 40 پايىزعا جۋىق ٷلەسٸن قۇراپ وتىر.
