QR Premer-Ministri Asqar Mamin «Orano» direktorlar keńesiniń tóraǵasy Klod Imovenmen kezdesý ótkizdi. Bul týraly primeminister.kz saity habarlady.
K. Imoven Úkimet basshysyna Ońtústik Qazaqstan oblysy Sozaq aýdanyndaǵy Moiynqum jáne Tórtqudyq ken oryndarynda tabiǵi ýrandy barlaý, óndirý jáne qaita óńdeý jónindegi «KATKO» Qazaqstan-Frantsýz birlesken kásipornynyń QR-daǵy qyzmetin odan ári damytý josparlaryn tanystyrdy.
A. Mamin «KATKO»-nyń QR-da ýrandy qaita óńdeý boiynsha ǵylymi ázirlemelerge, zamanaýi ekologiialyq taza tehnologiialardy qoldanýǵa, densaýlyq saqtaý jáne eńbek qaýipsizdigi salasynda joǵary standarttardyń saqtalýyn qamtamasyz etýge, Túrkistan oblysynyń áleýmettik infraqurylymyn damytý boiynsha is-sharalardy ótkizýge, sondai-aq adami kapitaldyń sapasyn arttyrýǵa investitsiia salýynyń mańyzdylyǵyn atap ótti.
