2020 jylǵy 19 naýryzda QR Prezidenti janyndaǵy Tótenshe jaǵdaidy qamtamasyz etý jónindegi memlekettik komissiia tóraǵasy – QR Premer-Ministri Asqar Mamin Nur-Sultan qalasynda karantin rejimin qamtamasyz etý jumystaryn tekserdi, dep habarlaidy "Ult aqparat" primeminister.kz-ke silteme jasap.
Nur-Sultan qalasynan shyǵa beristegi «Nur-Sultan – Petropavl» avtojoly boiyndaǵy №2 baqylaý-ótkizý beketin aralaý kezinde Úkimet basshysyna elordanyń karantinge jabylýy kezindegi ishki ister qyzmetkerleriniń, sanitariialyq-epidemiologiialyq baqylaý jáne Qarýly kúshterdiń áskeri qyzmetkerleriniń bekettegi qyzmeti týraly baiandaldy.
A. Mamin qajet bolǵan jaǵdaida statsionarlyq karantindi qamtamasyz etý úshin qalalyq infraqurylym nysandaryn qaita jaraqtaý boiynsha atqarylyp jatqan jumystar barysymen tanysty.
Úkimet basshysy elorda ákimdiginiń, politsiia jáne densaýlyq saqtaý qyzmetkerleri men Qarýly kúshterdiń áskeri qyzmetkerleriniń karantin rejimi jaǵdaiynda úilesimdi jumysyn qamtamasyz etýdi tapsyrdy.
Tekserý saparyna Nur-Sultan qalasynyń ákimi A. Kólginov, densaýlyq saqtaý ministri E. Birtanov, ishki ister ministri E. Turǵymbaev jáne qorǵanys ministri N. Ermekbaev qatysty.
