QR Premer-Ministri Asqar Mamin «Nur Otan» partiiasynyń sailaýaldy baǵdarlamasynyń jol kartasyn iske asyrý jónindegi shtab otyrysyn ótkizdi, dep habarlaidy primeminister.kz.
Qazaqstandyq taýarlar men qyzmetterdiń shikizattyq emes eksportynyń kólemin arttyrý, eksportqa baǵdarlanǵan munai-gaz himiiasy ónimderi óndirisiniń ósýin qamtamasyz etý, sondai-aq mektepterdi salý jáne jańǵyrtý máseleleri qaraldy.
Saýda jáne integratsiia ministri Baqyt Sultanov, indýstriia jáne infraqurylymdyq damý ministri Beibit Atamqulov «Nur Otan» partiiasynyń sailaýaldy baǵdarlamasyn iske asyrý aiasynda 2025 jylǵa qarai shikizattyq emes eksport kólemin 2 ese $41 mlrd deiin arttyrý mindeti qoiylǵanyn baiandady.
Jahandyq pandemiianyń saýda-logistikalyq bailanystarǵa áserin jáne ótken jylǵy kórsetkishterdiń tómendeýin eskere otyryp, biyl eksporttaýshylardy memlekettik qoldaý – saqtandyrý, shyǵyndardy óteý jáne eksporttyq akseleratsiia sharalaryn iske asyrý jolymen QR shikizattyq emes taýarlary men qyzmetteriniń eksportyn ulǵaitýdy qamtamasyz etý kózdelgen. 2021 jyly shikizattyq emes eksportty jedel damytý aiasynda maily daqyldar tuqymdary, munai-himiia ónimderi, ósimdik maiy, et jáne sýbónimder, transformatorlar, pestitsidter, AT-qyzmetter, jolaýshylardyń tranzittik tasymaldary, týristik qyzmetter jáne t. b. basym taýarlar men kórsetiletin qyzmetter bolyp aiqyndaldy.
Qazirgi ýaqytta QR shikizattyq emes eksportynyń 60%-dan astamyn Qaraǵandy (25,1%), Shyǵys Qazaqstan (12,2%), Pavlodar (11,9%) oblystary jáne Almaty qalasy (11,9%) quraidy. Energetika ministri Nurlan Noǵaev «Nur Otan» partiiasynyń sailaýaldy baǵdarlamasyn iske asyrý jónindegi jol kartasy 2025 jylǵa deiin Atyraý, Oral jáne Shymkent qalalarynda munai men gazdy tereń óńdeý jónindegi 5 zaýytty iske qosýdy kózdeitinin aitty, bul eksportqa baǵdarlanǵan 2 mln tonna munai-gaz himiiasy óniminiń óndirisin qamtamasyz etýge múmkindik beredi (2019 jylmen salystyrǵanda 9 ese ósti). 2021 jyly Atyraý oblysynda qýaty 57 mln tekshe metr azot pen 34 mln tekshe metr syǵylǵan aýany quraityn tehnikalyq gaz shyǵaratyn zaýyt paidalanýǵa berildi.
Osy jyldyń sońyna deiin Shymkent qalasynda qýaty jylyna 57 myń tonna efir jáne 81 myń tonna polipropilendi quraityn metil-tret-býtil efiri men polipropilen óndiretin zaýyttyń qurylysyn aiaqtaý josparlanýda. Atyraý oblysynda qýaty jylyna 500 myń tonna polipropilen óndiretin zaýyt qurylysynyń jobasy da aiaqtalý satysynda.
Atalǵan jobalar boiynsha investitsiialardyń jalpy kólemi $2,7 mlrd quraidy. 2025 jylǵa deiin Atyraý oblysynda qýaty jylyna 430 myń tonna polietelentereftalat óndiretin zaýyttyń, sondai-aq Batys Qazaqstan oblysynda qýaty jylyna 130 myń tonna metanol óndiretin zaýyttyń qurylysy aiaqtalatyn bolady.
Eki joba boiynsha investitsiialardyń jalpy somasy $1,2 mlrd quraidy. Bilim jáne ǵylym ministri Ashat Aimaǵambetov «Nur Otan» partiiasynyń sailaýaldy baǵdarlamasyn iske asyrý aiasynda 2021 jyldan bastap 2025 jylǵa deiingi kezeńde elimizde 800 jańa mektep salynatynyn aitty. Biyl 200 mektep salý josparda bar. Premer-Ministr jergilikti atqarýshy jáne tiisti ortalyq memlekettik organdarǵa 2025 jylǵa deiin shikizattyq emes eksporttyń kórsetkishterine qol jetkizý, onyń ishinde salalar men óndiris kólemi boiynsha esepteýler júrgizýdi tapsyrdy.
Úkimet basshysy ortalyq memlekettik jáne jergilikti atqarýshy organdarǵa mektepterdi salý men jańǵyrtý boiynsha barlyq mindettemelerdi sapaly oryndaýdy qamtamasyz etý jóninde birqatar naqty tapsyrma berdi.
