QR Premer-Ministri Asqar Mamin Niderlandynyń jetekshi kompaniialarymen AÓK jobalaryn iske asyrý máselesin talqylady, dep habarlaidy "Ult aqparat" Úkimet basshysynyń baspasóz qyzmetine silteme jasap.
Kelissóz qorytyndysy boiynsha «Kazakh Invest» UK» AQ, «Ulttyq agrarlyq ǵylymi-bilim berý ortalyǵy» KEAQ, Qazaqstannyń kartop jáne kókónis ósirýshiler odaǵy, «Qazyna Kapital Menedjment» AQ ókilderi, sondai-aq birqatar qazaqstandyq kompaniialar Dutch Greenhouse Delta, Food Ventures, Rijk Zwaan, Solynta jáne Koppert Biological Systems-ben Qazaqstanda jemis-kókónis sharýashylyǵy men tuqymdyq kartop óndirisin, ósimdikterdi biologiialyq qorǵaý quraldaryn damytý, QR jylyjai keshenderin salý, Túrkistan oblysynda demonstratsiialyq stantsiia men joǵary tehnologiialyq-zertteý ortalyǵyn salý boiynsha birlesken jobalardy iske asyrýdy kózdeitin kelisimderge qol qoidy. Atalǵan jobalar boiynsha QR ekonomikasyna salynǵan investitsiialardyń jalpy somasy 100 mlrd teńgeden asady. Olardy iske asyrý Qazaqstanda jańa sapaly jumys oryndaryn qurýǵa, AÓK salasynda ozyq tehnologiialar men praktikany engizýge, sondai-aq Qazaqstannyń azyq-túlik qaýipsizdigin qamtamasyz etý deńgeiin jáne eksporttyq áleýetin arttyrýǵa jol ashady. Niderlandtyq kompaniialardyń ókilderi QR-ǵa sapary aiasynda Almaty, Aqtóbe, Batys Qazaqstan oblystary men Almaty qalasyna óńirlerdiń basshylyǵymen jáne qazaqstandyq seriktesterimen birlesken jobalardy iske asyrýdy egjei-tegjeili talqylaý úshin barady.
Qazaqstanda niderlandtyq kapitaldyń qatysýymen 900-den astam kásiporyn jumys isteidi, olar QR ekonomikasynyń energetika, mashina jasaý, qurylys, kólik-logistika jáne agroónerkásip sektorlarynda keńinen usynylǵan.
Ozyq tehnologiialar men agrosektordy júrgizýdiń tiimdi ádisterin paidalanatyn Niderlandy kóshbasshy orynǵa ie jáne álem boiynsha AQSh-tan keiin aýyl sharýashylyǵy ónimderiniń ekinshi iri eksporttaýshysy. Kelissózderge Qazaqstan tarapynan aýyl sharýashylyǵy ministri Saparhan Omarov, Niderland Koroldigindegi QR Tótenshe jáne Ókiletti elshisi Asqar Jumaǵaliev, «Kazakh Invest» UK» AQ basqarma tóraǵasy Meiirjan Iýsýpov, «Ulttyq agrarlyq ǵylymi-bilim berý ortalyǵy» KEAQ basqarma tóraǵasy Gúlmira Isaeva, «Báiterek» UBH» AQ basqarma tóraǵasynyń birinshi orynbasary Qanysh Izbastin, Niderlandy tarapynan QR-daǵy elshi Andre Karstens qatysty.
