QR Premer-Ministri Asqar Maminniń tóraǵalyǵymen ótken Úkimettiń selektorlyq otyrysynda Qazaqstanda mashina jasaýdy damytý máselesi qaraldy, dep habarlaidy "Ult aqparat" primeminister.kz saityna silteme jasap.
Mashina jasaý salasynyń damýy týraly indýstriia jáne infraqurylymdyq damý ministri B. Atamqulov, munai-gaz salasyndaǵy mashina jasaý týraly energetika ministri N. Noǵaev, salanyń óńirlerde damýy týraly Qaraǵandy oblysynyń ákimi J. Qasymbek, Qostanai oblysynyń ákimi A. Muhambetov baiandady. Sondai-aq Qazaqstan mashina jasaýshylar odaǵynyń tóraǵasy M. Pishembaev jáne biznes ókilderi — «Astana Group» prezidenti N. Smaǵulov, «KARLSCKRONA» JShS bas direktory V. Ahmetov jáne «KazRostEngineering Ltd.» direktory D. Imanmusaev baiandama jasady.
Mashina jasaý — QR óńdeý ónerkásibiniń negizgi draiveri bolǵandyqtan, onyń júieli damýyn qamtamasyz etedi. Biylǵy 5 aidyń qorytyndysy boiynsha ekonomikadaǵy quldyraýǵa qaramastan, mashina jasaý salasynda óndiris kólemi 535 mlrd teńgeni qurady, bul ótken jylǵy kórsetkishten 18,5%-ǵa joǵary.
Qazirgi tańda Qazaqstanda mashina jasaý salasynda 3 myńǵa jýyq kásiporyn jumys isteidi, olar ártúrli ónimderdi – bólshekterden bastap dáldigi joǵary tehnikalar shyǵarýǵa deiin igerdi. Osylaisha munai-gaz, metallýrgiia jáne agrarlyq ónerkásip sekildi ekonomikanyń negizgi sektorlarynyń qajettiligin qamtamasyz etýde. Sala sektorlaryna bailanysty jergiliktendirý deńgeii 35%-dan 95%-ǵa deiin quraidy.
Úkimet basshysy mashina jasaýdaǵy jergilikti qamtýdy ulǵaitýdyń mańyzdylyǵyn atap ótti.
«Eldegi avtoparktiń 70%-ynyń qyzmet etý merzimi aitarlyqtai asyp ketkenin nazarǵa alsaq, bul óte mańyzdy. Ony jańartý otandyq kásiporyndardyń qýatyn júkteýge, jańa jumys oryndaryn ashýǵa, óndiriste jáne joldarda qaýipsizdikti qamtamasyz etýge, elde ekologiiany jaqsartýǵa múmkindik beredi», — dedi A. Mamin.
Premer-Ministr Joǵary Eýraziialyq ekonomikalyq keńestiń sheshimine sáikes, motorly kólik quraldary óndirisin jergiliktendirý deńgeiin keminde 50%-ǵa jetkizý kerek ekenin atap ótti. Osyǵan orai, avtoóndirýshilerdiń óz mindettemelerin oryndaýyn baqylaýǵa alý qajet.
Úkimet basshysy Indýstriia jáne infraqurylymdyq damý ministrligine jergiliktendirýdi, óndiris kólemin arttyryp, mashina jasaý ónimderiniń eksportyn keńeitýdi, sondai-aq Aýyl sharýashylyǵy ministrligimen birlesip, bir ai merzimde aýyl sharýashylyǵy tehnikasy parkin jańartý boiynsha naqty usynystar ázirleýdi tapsyrdy.
A. Mamin qazirgi ýaqytta Qazaqstanda aýyl sharýashylyǵy tehnikasy parkiniń 70% tozǵanyn, paidalaný merzimi ótkenin atap ótti. Qazaqstannyń azyq-túlik haby retine qalyptasýyn eskere otyryp, aýyl sharýashylyǵy tehnikasy parkin jańartý mańyzdy mindetterdiń biri. Ol úshin jańa perspektivaly óndiristerdi qurý maqsatynda elge investitsiialar men seriktester tartý qajet. Budan ózge, aýyl sharýashylyǵy tehnikasyn jańartý kezinde óz óndirisi esebinen eńbek ónimdiligi jaqsaryp, aýyl sharýashylyǵy óndirisi artady.
Premer-Ministr energetika jáne indýstriia ministrlikterine munai-gaz jabdyqtaryn óndiretin kompaniialardy tartý, otandyq mashina jasaý kásiporyndarynyń iri munai-gaz operatorlarynyń satyp alýlaryna qol jetkizýin keńeitý, sondai-aq saladaǵy júielik kedergilerdi joiý jónindegi keshendi sharalar boiynsha usynystar daiyndaýdy tapsyrdy.
Úkimet basshysy básekege qabiletti joǵary tehnologiialyq ónimdi otandyq eksporttaýshylar úshin jańa qoldaý sharalaryn kórsetý múmkindigin pysyqtaýdy, sondai-aq QR Prezidenti Q. Toqaevtyń tapsyrmasyn oryndaý aiasynda osy jyldyń 1 shildesine deiin Ónerkásipti damytý qoryn qurýdy tapsyrdy.
