QR Premer-Ministri Asqar Mamin «LÝKOIL» JAQ prezidenti Vagit Alekperovpen kezdesti, dep habarlaidy "Ult aqparat" Úkimettiń baspasóz qyzmetine silteme jasap.
Taraptar kómirsýtek shikizatyn barlaý, óndirý jáne tasymaldaý, sondai-aq munai óńdeý jáne munai-gaz himiiasy salalaryndaǵy birlesken investitsiialyq jobalardy iske asyrýdyń jai-kúii men perspektivasyn talqylady.
TShO-nyń bolashaq keńeitý jobasy men Saǵalyq qysymdy basqarý jobasyn iske asyrýǵa, Qarashyǵanaq jobasyn odan ári damytýǵa jáne «Kaspii Qubyr Konsortsiýmy» munai qubyryndaǵy tar jerlerdi joiý máselesine erekshe nazar aýdaryldy.
Sondai-aq «Ortalyq», «Jeńis» jáne «Ál-Farabi» («1-R-2») jobalaryn iske asyrý máseleleri qaraldy.
Alekperov Úkimet basshysyna Almaty oblysynda 2019 jyly ashylǵan mailaý materialdaryn shyǵaratyn zaýyttyń jumysy týraly baiandady. Qazirgi ýaqytta kásiporynda ai saiyn 3,2 myń tonnaǵa deiin 700 ataýly daiyn ónim óndiriledi. 2024 jyly 100 myń tonna jobalyq qýatyna shyǵýy josparlanǵan.
Mamin «LÝKOIL» JAQ-tyń zamanaýi ekologiialyq taza tehnologiialardy qoldanýyn, densaýlyq saqtaý jáne eńbek qaýipsizdigi salasynda joǵary standarttardy saqtaýyn, sondai-aq Qazaqstanda áleýmettik jobalardy iske asyrýdy qamtamasyz etýiniń mańyzdylyǵyn atap ótti.
Kezdesýge energetika ministri Nurlan Noǵaev jáne «QazMunaiGaz» UK» AQ basqarma tóraǵasy Alik Aidarbaev qatysty.
