QR Premer-Ministri Asqar Mamin Qyzylorda oblysynyń damý máseleleri jóninde keńes ótkizdi, dep habarlaidy "Ult aqparat" QR Úkimetiniń resmi saityna silteme jasap.
Óńirdiń áleýmettik-ekonomikalyq damýnyń ózekti máselelerin sheshý úshin usynystar ázirleý boiynsha ortalyq memlekettik organdar men Qyzylorda oblysynyń ákimdigi atqarǵan jumystar týraly QR Premer-Ministriniń birinshi orynbasary Á. Smaiylov pen oblys ákimi G. Ábdiqalyqova baiandady.
Ulttyq ekonomika ministri R. Dálenov, Indýstriia jáne infraqurylymdyq damý ministri B. Atamqulov, Densaýlyq saqtaý ministri A. Tsoi jáne basqa da ortalyq memlekettik organdardyń basshylary túsinik berdi.
Qyzylorda oblysyn damytý máseleleri jónindegi jumys toby 100 mlrd teńgege 79 jobaǵa qoldaý bildirdi. Biyl óńirde 15,6 mlrd teńgege 42 jobany qarjylandyrý josparlanǵan. Jobalar tizimi Qyzylorda sý torabyn qaita jóndeýdi bastaýdy, Qyzylorda, Aral qalalaryndaǵy jáne Tereńózek kentindegi sýmen jáne elektrmen jabdyqtaý júielerin damytýdy, «BJK – 2025» aiasynda jas kásipkerlerge memlekettik grant berýdi jáne shaǵyn nesielendirýdi arttyrýdy, Qyzylorda qalasyndaǵy jańa magistraldy kósheniń qurylysyn jalǵastyrýdy qamtidy.
Bilim jáne ǵylym ministrligi halyqtyń áleýmettik osal toptaryna jatatyn otbasylardan shyqqan oqýshylardy kompiýterlik tehnikamen qamtamasyz etý aiasynda Úkimet rezervi esebinen oblystyń 34,7 myń oqýshysy úshin kompiýterlik tehnika (kompiýterler, noýtbýkter, planshetter jáne modemder) satyp alýdy kózdep otyr.
2021 jyly 32 jobany iske asyrýdy bastaý josparlanyp otyr. Onyń ishinde Aqbasty, Toqabai, Abai, Tóretam, Janqoja batyr, Maidakól eldimekenderin jáne Baiqońyr qalasyn sýmen jabdyqtaý júielerin damytý, Kókaral bógetin, Kúmisketken jáne Qaraózek sý qoimalaryn jańǵyrtý, sondai-aq irrigatsiialyq júielerdi jetildirý, Jalaǵash kentinde gaz qubyryn jáne oramishilik gaz jelilerin salý, turǵyn úi jáne tiisti injenerlik-kommýnikatsiialyq infraqurylym salý, sonyń ishinde Baiqońyr q. bes 50 páterli turǵyn úi salý jáne t. b.
Atalǵan sharalar óńirdi odan ári damytý úshin eleýli áleýmettik-ekonomikalyq nátije beredi dep kútilýde. Onyń ishinde negizgi kapitalǵa salynǵan investitsiialardyń ósimi jáne jańa jumys oryndaryn qurý.
