QR Premer-Ministri Asqar Maminniń tóraǵalyǵymen ótken QR Úkimetiniń otyrysynda Memleket basshysynyń «Syndarly qoǵamdyq dialog – Qazaqstannyń turaqtylyǵy men órkendeýiniń negizi» Joldaýyn iske asyrý sharalary talqylandy, dep habarlaidy "Ult aqparat".
QR Premer-Ministri Memleket basshysynyń Joldaýyn iske asyrýdy tolyǵymen qarjylai qamtamasyz etý sharalaryn qabyldaý qajettigin aitty.
«Prezident tapsyrmalaryn oryndaýǵa barlyq birinshi basshylar derbes jaýapty ekenin nazarlaryńyzǵa salamyn. Atap aitaiyn, árbir tapsyrmasynyń oryndalýy qatań baqylaýǵa alynyp, oryndalýynyń naqty merzimi belgilenýi qajet. Biz qoiylǵan mindetterdi tiimdi sheshý boiynsha úilesimdi jumys júrgizýimiz kerek», — dedi Askar Mamin.
Úkimet basshysy 7 qyrkúiekke deiin Memleket basshysynyń Joldaýynda qoiylǵan mindetterdi iske asyrýdyń Jalpyulttyq josparynyń jobasyn ázirleýdi tapsyrdy.
Prezidenttiń Qazaqstan halqyna Joldaýynyń bes basty baǵytyn oryndaý joldary týraly Premer-Ministrdiń birinshi orynbasary – QR qarjy ministri Á. Smaiylov, Úkimet basshysynyń orynbasarlary J. Qasymbek pen B. Saparbaev baiandady.
