قر پرەمەر-مينيسترٸ اسقار ماميننٸڭ تٶراعالىعىمەن ٶتكەن قر ٷكٸمەتٸنٸڭ وتىرىسىندا مەملەكەت باسشىسىنىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن ٶركەندەۋٸنٸڭ نەگٸزٸ» جولداۋىن ٸسكە اسىرۋ شارالارى تالقىلاندى, دەپ حابارلايدى "ۇلت اقپارات".
قر پرەمەر-مينيسترٸ مەملەكەت باسشىسىنىڭ جولداۋىن ٸسكە اسىرۋدى تولىعىمەن قارجىلاي قامتاماسىز ەتۋ شارالارىن قابىلداۋ قاجەتتٸگٸن ايتتى.
«پرەزيدەنت تاپسىرمالارىن ورىنداۋعا بارلىق بٸرٸنشٸ باسشىلار دەربەس جاۋاپتى ەكەنٸن نازارلارىڭىزعا سالامىن. اتاپ ايتايىن, ەربٸر تاپسىرماسىنىڭ ورىندالۋى قاتاڭ باقىلاۋعا الىنىپ, ورىندالۋىنىڭ ناقتى مەرزٸمٸ بەلگٸلەنۋٸ قاجەت. بٸز قويىلعان مٸندەتتەردٸ تيٸمدٸ شەشۋ بويىنشا ٷيلەسٸمدٸ جۇمىس جٷرگٸزۋٸمٸز كەرەك», — دەدٸ اسكار مامين.
ٷكٸمەت باسشىسى 7 قىركٷيەككە دەيٸن مەملەكەت باسشىسىنىڭ جولداۋىندا قويىلعان مٸندەتتەردٸ ٸسكە اسىرۋدىڭ جالپىۇلتتىق جوسپارىنىڭ جوباسىن ەزٸرلەۋدٸ تاپسىردى.
پرەزيدەنتتٸڭ قازاقستان حالقىنا جولداۋىنىڭ بەس باستى باعىتىن ورىنداۋ جولدارى تۋرالى پرەمەر-مينيستردٸڭ بٸرٸنشٸ ورىنباسارى – قر قارجى مينيسترٸ ە. سمايىلوۆ, ٷكٸمەت باسشىسىنىڭ ورىنباسارلارى ج. قاسىمبەك پەن ب. ساپارباەۆ باياندادى.
