QR Premer-Ministri Asqar Maminniń tóraǵalyǵymen ótken Úkimet otyrysynda Qazaqstanda koronavirýstyq infektsiianyń taralýyna jol bermeý sharalary qaraldy, dep habarlaidy "Ult aqparat" primeminister.kz saityna silteme jasap.
QR densaýlyq saqtaý ministri E. Birtanov pen QR syrtqy ister ministri M. Tileýberdi, QR indýstriia jáne infraqurylymdyq damý ministriniń orynbasary B. Qamaliev, QR Premer-Ministriniń orynbasary E. Toǵjanov qazirgi jaǵdai men atqarylyp jatqan jumystar týraly baiandady.
Densaýlyq saqtaý ministrligi osy jyldyń 6 qańtarynan bastap koronavirýstyq infektsiianyń ákelinýi men taralýynyń aldyn alý boiynsha kúsheitýdiń 3 kezeńin iske asyrdy. Biylǵy 1 naýryzdan bastap sol elderden kelgen tulǵalarǵa karantindik is-sharalar qoldanylatyn elderdiń tizbesin keńeitetin kúsheitýdiń 4-kezeńi engizildi.
Azamattardyń densaýlyǵyn qorǵaý boiynsha túbegeili sharalar qabyldaý maqsatynda Úkimet QR-da koronavirýstyq infektsiiany anyqtaý jáne taratý kezindegi Is-qimyl algoritmin ázirledi («B Jospary»).
«Memleket basshysy Qasym-Jomart Kemeluly Toqaev Úkimetke halyqty koronavirýstyq infektsiiadan qorǵaý sharalaryn kúsheitýdi tapsyrdy. Álemde jaǵdai ýshyǵyp ketti. Virýs 50-den astam elge taralyp úlgerdi jáne óte belsendi túrde taralýda. Qazirgi kezde Qazaqstanda koronavirýs juqtyrǵan adam joq. Sondyqtan barlyq aldyn alý sharalaryn jalǵastyrý qajet. Virýs sondai-aq álemdik ekonomikaǵa, atap aitqanda, ónerkásipke, tranzitke, saýda men eksportqa keri áserin tigizýde. Osyǵan bailanysty Qazaqstan ekonomikasynyń turaqtylyǵyn qamtamasyz etý úshin tiisti sharalardy qabyldaý qajet», — dedi A. Mamin.
Úkimet basshysy Densaýlyq saqtaý ministrligine memlekettik shekaranyń barlyq ótkizý pýnktterinde sanitarlyq-epidemiologiialyq baqylaýdy kúsheitýdi jáne Is-qimyl algoritminde josparlanǵan is-sharalardy júzege asyrýǵa daiyndyqty qamtamasyz etýdi tapsyrdy.
Syrtqy ister ministrligine elimizde buǵan deiin josparlanǵan iri halyqaralyq is-sharalardy ótkizý ýaqytyn aýystyrý jóninde usynystar engizý, koronovirýstyq infektsiianyń taralýy boiynsha qolaisyz jaǵdai oryn alǵan elder úshin tranzittik, elektrondyq, týristik vizalardy berýdi ýaqytsha toqtatý tapsyryldy.
«Indýstriia jáne infraqurylymdyq damý ministrligi koronarovirýs belsendi túrde taralyp jatqan elderge turaqty reisterdi shektesin. Sondai-aq, bizdiń farmatsevtikalyq kásiporyndarda meditsinalyq maskalar men basqa da qorǵanys quraldary óndirisin arttyrýdy qamtamasyz etýdi tapsyramyn», — dedi A. Mamin.
Premer-Ministr óńirler ákimdikterine memlekettik jáne jekemenshik uiymdarda, ásirese, mektepterde, oqý oryndarynda, halyqqa qyzmet kórsetý ortalyqtarynda, saýda ortalyqtarynda, bazarlarda jáne t. b. jerlerde epidemiiaǵa qarsy is-sharalardy kúsheitýdi tapsyrdy.
«Ákimdikter men Eńbek jáne halyqty áleýmettik qorǵaý ministrligi koronavirýstyq infektsiianyń taralý deńgeii qolaisyz elderdiń azamattary úshin sheteldik jumys kúshin tartýǵa ruqsat berýdi toqtatsyn», — dedi A. Mamin.
Úkimet basshysy Aqparat jáne qoǵamdyq damý ministrligine Densaýlyq saqtaý ministrligimen birlesip, koronavirýstyq infektsiianyń aldyn alý sharalaryn túsindirý boiynsha halyqpen sapaly aqparattyq jumys júrgizýdi tapsyrdy.
