QR Premer-Ministri Asqar Mamin el azamattaryn 1 mamyr – Qazaqstan halqynyń birligi kúnimen quttyqtady, dep habarlaidy primeminister.kz.
«Qymbatty otandastar, barshańyzdy Qazaqstan halqynyń birligi kúnimen quttyqtaimyn! Bul mereke – bizdiń birtutastyǵymyz ben baiandy bolashaǵymyzdyń simvoly.
Qazaqstanda ár túrli ulttyń ókilderi turady, biraq biz, qazaqstandyqtar – bir halyqpyz. Kópultty qoǵamdaǵy urpaqtar birligi men kelisiminiń arqasynda Qazaqstan barlyq qiyndyqtardy eńserip, syndarly tarihynyń túrli kezeńderinde tabysty damydy.
Bizdiń búgingi ortaq múddemiz – ultaralyq kelisim men ózara túsinistikti saqtaý jáne nyǵaitý. Osyndai dástúrli qundylyqtar halqymyzdyń ómir súrý sapasyn arttyra otyryp, elimizdiń turaqty jáne serpindi áleýmettik-ekonomikalyq damýynyń mańyzdy alǵyshartyna ainaldy.
Ortaq shańyraǵymyz – Qazaqstan Respýblikasynyń kemel keleshegi bizdiń yntymaǵymyzǵa, jasampaz eńbegimizge, kúsh-qýatymyzǵa jáne eń kúrdeli jalpyulttyq mindetterdi sheshýdegi tabandylyǵymyzǵa bailanysty.
Birlik kúni bizdi Qazaqstannyń igiligi úshin jańa jetistikter men tabystarǵa bastai bersin! Barlyq otandastarymyzǵa, árbir otbasyna zor densaýlyq, tatýlyq pen baq-bereke tileimin!», delingen Premer-Ministrdiń quttyqtaýynda.
