QR Premer-Ministri Asqar Mamin «Kazakh Invest» direktorlar keńesiniń otyrysyn ótkizdi, dep habarlaidy primeminister.kz.
QR Premer-Ministri Asqar Maminniń tóraǵalyǵymen ótken «Kazakh Invest» Ulttyq kompaniiasy» AQ direktorlar keńesiniń otyrysynda biylǵy jylǵy 11 aidaǵy jumys qorytyndysy qaraldy.
Qazirgi kezde «Kazakh Invest»-tiń qoldaýymen jalpy kólemi $55 mlrd-qa jýyqty quraityn 228 investitsiialyq joba agroónerkásip, mashinajasaý, taý-ken metallýrgiiasy, munaigaz himiiasy, kólik-logistika, jańartylatyn energetika jáne qurylys indýstriiasy salalarynda pysyqtalyp, iske asyrylýda. Top investor elderdiń qataryna Eýropalyq Odaq memleketteri, AQSh, Resei, Túrkiia, Singapýr men Qytai kiredi.
Biyl 11 aida $454 mln-ǵa 8 joba iske asyryldy, $487 mln quraityn 10 joba boiynsha paidalanýǵa berý josparlanǵan, kólemi $3,4 mlrd bolatyn 21 joba boiynsha qurylys-montajdaý jumystary bastaldy.
Otyrysta jańa redaktsiiasyndaǵy shtattar sany men uiymdastyrý qurylymy, ishki aýdit qyzmetiniń esebi, direktorlar keńesiniń 2020 jylǵa jumys jospary bekitildi, sondai-aq basqa da máseleler qaraldy.
