QR Premer-Ministri Asqar Mamin Katar Premer-Ministriniń orynbasary Hamad bin Abdýlaziz ál-Kavarimen kelissózder ótkizdi, primeminister.kz.
«Katar ‒ Qazaqstannyń arab álemindegi mańyzdy saiasi seriktesi. Bizdiń elderimiz arasynda Qazaqstannyń Tuńǵysh Prezidenti ‒ Elbasy N. Nazarbaev pen Katardyń joǵary basshylyǵy negizin salǵan senimdi ári ashyq saiasi dialog ornaǵan. Memleket basshysy Q.Toqaev syrtqy saiasattaǵy sabaqtastyqty ustana otyryp, Katarmen yntymaqtastyqty damytýǵa úlken mán beredi», — dedi A. Mamin .
Úkimet basshysy saýda-ekonomikalyq, investitsiialyq, mádeni-gýmanitarlyq jáne basqa da salalardaǵy yntymaqtastyqty arttyrý úshin úlken áleýettiń bar ekenin atap ótti.
Elder arasynda vizasyz rejim ornaǵan, osy jyldyń jeltoqsan aiynda Nur-Sultan men Doha arasynda tikelei reister ashylady dep josparlanýda. Aldaǵy ýaqytta turaqty reister aptasyna 7 ret tek astanalar arasynda ǵana emes, sonymen qatar Almaty men Doha arasynda da ashylmaq, sondai-aq, Qazaqstanda engizilgen ashyq aspan rejimi aiasynda «áýe erkindiginiń» besinshi dárejesimen aptasyna 7 júk reisi oryndalatyn bolady.
Taraptar týrizm, kólik, densaýlyq saqtaý, bilim berý jáne basqa da salalardaǵy ekijaqty yntymaqtastyqtyń perspektivalaryn talqylady.
