QR Premer-Ministri Asqar Mamin Atyraý oblysyna jumys sapary aiasynda munai-gaz himiiasy jáne munai-gaz mashinasyn jasaý salalaryndaǵy iri investitsiialyq jobalardyń iske asyrylý barysyn tekserdi, dep habarlaidy "Ult aqparat" Úkimet basshysynyń resmi saityna silteme jasap.
Úkimet basshysy Qashaǵan ken ornynda gazdy keshendi daiyndaý qondyrǵysy – gaz óńdeý zaýytynyń qurylysyn bastap berdi. Kásiporynnyń óńdeý qýaty jylyna 1 mlrd m³ deiin shiki kúkirtti gazdy quraidy, odan 815 mln m³ taýarlyq gaz jáne 119 myń tonna suiytylǵan gaz, 212 myń tonna kúkirt jáne 35 myń tonna gaz kondensaty óndiriletin bolady. Ony 2023 jylǵy 4 toqsanda paidalanýǵa berý kózdelgen.
Joba elimizdiń gaz óńdeý salasyn damytýǵa serpin beredi, Qashaǵanda munai óndirý deńgeiin táýligine 450 myń barrelge deiin ulǵaitýǵa, eldi odan ári gazdandyrý úshin resýrstyq bazany keńeitýge jáne munai-gaz óndirisiniń ekologiialyǵyn arttyrýǵa múmkindik beredi. Qurylys kezeńinde munda 2500 deiin ýaqytsha, al paidalaný kezeńinde 600 turaqty jumys orny qurylady. Premer-Ministr jylyna 500 myń tonna polipropilen óndiretin Qazaqstandaǵy alǵashqy Integratsiialanǵan gaz-himiia kesheniniń qurylys barysyn tekserdi. Jobany «Qazaqstan Petrokemikal Indastriz (KPI)» JShS júzege asyrady. Investitsiialardyń jalpy kólemi $2,6 mlrd quraidy. Ony 2022 jylǵy naýryz aiynda paidalanýǵa berý josparlanǵan. Kásiporynda 630-dan astam turaqty jumys orny ashylady. Qazirgi ýaqytta joba kestesi boiynsha jalpy progress 87,19%-dy quraidy. Qurylysqa 39 qosalqy merdiger kompaniia tartylǵan, onyń 36-sy — qazaqstandyq.
Úkimet basshysy biyl sáýir aiynda Polipropilen óndiretin integratsiialanǵan gaz-himiia kesheniniń jumysyn qamtamasyz etý úshin azot jáne syǵylǵan qurǵaq aýa shyǵaratyn qondyrǵysynyń qurylysyn aiaqtaǵan «Er Likid Qarabatan Teh Gazy» Qazaqstan-Frantsýz birlesken kásipornyna bardy. Zaýyttyń qýattylyǵy 8 myń nm3/s azot jáne 8,1 myń nm3/s syǵylǵan qurǵaq aýany quraidy. A. Mamin 2020 jylǵy tamyzda paidalanýǵa berilgen qýaty jylyna 36 myń m² greiting jáne 60 myń tonna myryshtaýdy quraityn «Atyraýmunaimash» JShS greiting jáne ystyqtai myryshtaý tsehynyń jumysymen tanysty. «Kaspii munai» JShS aralaý barysynda Premer-Ministrge Atyraý oblysynyń Jylyoi aýdanyndaǵy «Airankól» ken ornyn 2019-2021 jyldary júrgizilgen tsifrlandyrýdyń nátijeleri tanystyryldy – munai óndirý 10%-ǵa artty, shyǵyndar 30%-ǵa azaidy, operatsiialyq qyzmet 80%-ǵa jetildirildi, munai qaldyqtarynyń kólemi qysqartyldy, pandemiia kezeńinde ken ornyn qashyqtan baqylaý jáne basqarý múmkindigi engizildi.
Sapar barysynda Úkimet basshysy bekire balyǵyn ósiretin «Kaspi Bekiresi Limited» balyq ósirý sharýashylyǵynyń qyzmetimen tanysty. Qysqa merzimdi kezeńde kásiporynnyń óndiris kólemin jylyna 30 tonna balyq eti men 3 tonna ýyldyryqqa deiin jetkizý josparlanýda. Premer-Ministrge sondai-aq Atyraý qalasynyń tynys-tirshiligin qamtamasyz etý infraqurylymyn damytý týraly baiandaldy.
Jumys saparyna Atyraý oblysynyń ákimi Mahambet Dosmuhambetov, QR Prezidentiniń kómekshisi Qanat Bozymbaev, energetika ministri Nurlan Noǵaev, indýstriia jáne infraqurylymdyq damý ministri Beibit Atamqulov, ekologiia, geologiia jáne tabiǵi resýrstar ministri Maǵzum Myrzaǵaliev, «Samuryq-Qazyna» AQ basqarma tóraǵasy Almasadam Sátqaliev, «QazTransGaz» AQ basqarma tóraǵasy Qairat Sháripbaev, «Báiterek» UBH» AQ basqarma tóraǵasy Aidar Áriphanov, «Qazaqstannyń Damý Banki» AQ basqarma tóraǵasy Abai Sarqulov jáne t. b. qatysty.
