QR Premer-Ministri Asqar Mamin Shyǵys Qazaqstan, Almaty jáne Qaraǵandy oblystaryna jumys sapary aiasynda kólik infraqurylymy jobalary – «Óskemen-Taldyqorǵan», «Qalbataý-Maiqapshaǵai», «Úsharal-Dostyq», «Qaraǵandy-Balqash-Qapshaǵai», «Merki-Býrylbaital» avtojoldary jobalarynyń iske asyrylý barysyn tekserdi.
Uzyndyǵy 768 shaqyrym bolatyn (Shyǵys Qazaqstan oblysynyń aýmaǵy boiynsha – 454 km, Almaty oblysynyń aýmaǵy boiynsha – 314 km) «Óskemen-Taldyqorǵan» avtojolyn salý jobasy boiynsha Úkimet basshysyna negizgi jumystardyń aiaqtalǵany jáne jyl sońyna deiin avtomobil qozǵalysynyń ashylatyny týraly baiandaldy.
Uzyndyǵy 415 shaqyrymǵa sozylatyn «Qalbataý-Maiqapshaǵai» tas jolyn rekonstrýktsiialaý jobasy boiynsha 127 shaqyrym jolda qozǵalys ashyldy, jumystardy 2022 jyly tolyq aiaqtaý josparlanǵanǵ dep habarlaidy "Ult aqparat" Úkimettiń resmi saityna silteme jasap.
«Úsharal-Dostyq» avtojoly boiynsha 180 shaqyrymnan 145 shaqyrym jol paidalanýǵa berildi, jumystardy 2022 jyldyń birinshi jartyjyldyǵynda tolyq aiaqtaý josparlanǵan.
Qaraǵandy oblysynda Premer-Ministr jalpy uzyndyǵy 946 shaqyrym bolatyn «Qaraǵandy-Balqash-Býrylbaital-Kúrti-Qapshaǵai» avtomobil jolyn rekonstrýktsiialaý barysyn tekserdi.
Biyl tórt jolaqty jol boiynsha 765 shaqyrym jolda qozǵalys qamtamasyz etiledi. «Merki-Býrylbaital» (262 km) avtojoly boiynsha qozǵalys tolyq ashylady.
Óskemen qalasynda Úkimet basshysyna halyqaralyq áýejaidyń ushý-qoný jolaǵyn rekonstrýktsiialaýdyń aiaqtalǵany týraly baiandaldy – UQJ uzyndyǵy 2800 m deiin, eni 60 m deiin ulǵaityldy. Asfaltbeton jabynyn tolyq aýystyrý júrgizildi, jaryq-signaldyq jabdyqtyń jańa júiesi ornatyldy. 30 tonnalyq júk terminalynyń jáne 100 tonnalyq ýaqytsha júk saqtaý qoimasynyń qurylysyn aiaqtaý josparlanǵan. Sondai-aq, Premer-Ministrge Úsharal qalasyndaǵy áýejaidyń ushý-qoný jolaǵyn rekonstrýktsiialaý barysy týraly baiandaldy, ol 2022 jylǵy 1 mamyrda aiaqtalady.
2021 jyly Qazaqstanda 8,4 myń shaqyrym avtojol qurylys jáne qaita jańartý jumystarymen qamtyldy, onyń ishinde respýblikalyq mańyzy bar joldar – 5 myń shaqyrym, jergilikti jeli – 3,4 myń shaqyrym. Jol-qurylys jumystaryna 200 myńǵa jýyq adam tartylǵan. Biyl elimizdegi 5,1 myń shaqyrym jolda jumystar aiaqtalady. Qalǵan jumys kólemi ótpeli jáne 2022 jyly oryndalatyn bolady. Jumys saparyna Shyǵys Qazaqstan oblysynyń ákimi Danial Ahmetov, Almaty oblysynyń ákimi Amandyq Batalov, Qaraǵandy oblysynyń ákimi Jeńis Qasymbek, indýstriia jáne infraqurylymdyq damý vitse-ministri Berik Qamaliev, «QazAvtoJol» UK» AQ basqarma tóraǵasy Asqar Muratuly jáne t. b. qatysty.
