قر پرەمەر-مينيسترٸ اسقار مامين شىعىس قازاقستان, الماتى جەنە قاراعاندى وبلىستارىنا جۇمىس ساپارى اياسىندا كٶلٸك ينفراقۇرىلىمى جوبالارى – «ٶسكەمەن-تالدىقورعان», «قالباتاۋ-مايقاپشاعاي», «ٷشارال-دوستىق», «قاراعاندى-بالقاش-قاپشاعاي», «مەركٸ-بۋرىلبايتال» اۆتوجولدارى جوبالارىنىڭ ٸسكە اسىرىلۋ بارىسىن تەكسەردٸ.
ۇزىندىعى 768 شاقىرىم بولاتىن (شىعىس قازاقستان وبلىسىنىڭ اۋماعى بويىنشا – 454 كم, الماتى وبلىسىنىڭ اۋماعى بويىنشا – 314 كم) «ٶسكەمەن-تالدىقورعان» اۆتوجولىن سالۋ جوباسى بويىنشا ٷكٸمەت باسشىسىنا نەگٸزگٸ جۇمىستاردىڭ اياقتالعانى جەنە جىل سوڭىنا دەيٸن اۆتوموبيل قوزعالىسىنىڭ اشىلاتىنى تۋرالى باياندالدى.
ۇزىندىعى 415 شاقىرىمعا سوزىلاتىن «قالباتاۋ-مايقاپشاعاي» تاس جولىن رەكونسترۋكتسييالاۋ جوباسى بويىنشا 127 شاقىرىم جولدا قوزعالىس اشىلدى, جۇمىستاردى 2022 جىلى تولىق اياقتاۋ جوسپارلانعانع دەپ حابارلايدى "ۇلت اقپارات" ٷكٸمەتتٸڭ رەسمي سايتىنا سٸلتەمە جاساپ.
«ٷشارال-دوستىق» اۆتوجولى بويىنشا 180 شاقىرىمنان 145 شاقىرىم جول پايدالانۋعا بەرٸلدٸ, جۇمىستاردى 2022 جىلدىڭ بٸرٸنشٸ جارتىجىلدىعىندا تولىق اياقتاۋ جوسپارلانعان.
قاراعاندى وبلىسىندا پرەمەر-مينيستر جالپى ۇزىندىعى 946 شاقىرىم بولاتىن «قاراعاندى-بالقاش-بۋرىلبايتال-كٷرتٸ-قاپشاعاي» اۆتوموبيل جولىن رەكونسترۋكتسييالاۋ بارىسىن تەكسەردٸ.
بيىل تٶرت جولاقتى جول بويىنشا 765 شاقىرىم جولدا قوزعالىس قامتاماسىز ەتٸلەدٸ. «مەركٸ-بۋرىلبايتال» (262 كم) اۆتوجولى بويىنشا قوزعالىس تولىق اشىلادى.
ٶسكەمەن قالاسىندا ٷكٸمەت باسشىسىنا حالىقارالىق ەۋەجايدىڭ ۇشۋ-قونۋ جولاعىن رەكونسترۋكتسييالاۋدىڭ اياقتالعانى تۋرالى باياندالدى – ۇقج ۇزىندىعى 2800 م دەيٸن, ەنٸ 60 م دەيٸن ۇلعايتىلدى. اسفالتبەتون جابىنىن تولىق اۋىستىرۋ جٷرگٸزٸلدٸ, جارىق-سيگنالدىق جابدىقتىڭ جاڭا جٷيەسٸ ورناتىلدى. 30 توننالىق جٷك تەرمينالىنىڭ جەنە 100 توننالىق ۋاقىتشا جٷك ساقتاۋ قويماسىنىڭ قۇرىلىسىن اياقتاۋ جوسپارلانعان. سونداي-اق, پرەمەر-مينيسترگە ٷشارال قالاسىنداعى ەۋەجايدىڭ ۇشۋ-قونۋ جولاعىن رەكونسترۋكتسييالاۋ بارىسى تۋرالى باياندالدى, ول 2022 جىلعى 1 مامىردا اياقتالادى.
2021 جىلى قازاقستاندا 8,4 مىڭ شاقىرىم اۆتوجول قۇرىلىس جەنە قايتا جاڭارتۋ جۇمىستارىمەن قامتىلدى, ونىڭ ٸشٸندە رەسپۋبليكالىق ماڭىزى بار جولدار – 5 مىڭ شاقىرىم, جەرگٸلٸكتٸ جەلٸ – 3,4 مىڭ شاقىرىم. جول-قۇرىلىس جۇمىستارىنا 200 مىڭعا جۋىق ادام تارتىلعان. بيىل ەلٸمٸزدەگٸ 5,1 مىڭ شاقىرىم جولدا جۇمىستار اياقتالادى. قالعان جۇمىس كٶلەمٸ ٶتپەلٸ جەنە 2022 جىلى ورىندالاتىن بولادى. جۇمىس ساپارىنا شىعىس قازاقستان وبلىسىنىڭ ەكٸمٸ دانيال احمەتوۆ, الماتى وبلىسىنىڭ ەكٸمٸ اماندىق باتالوۆ, قاراعاندى وبلىسىنىڭ ەكٸمٸ جەڭٸس قاسىمبەك, يندۋسترييا جەنە ينفراقۇرىلىمدىق دامۋ ۆيتسە-مينيسترٸ بەرٸك قاماليەۆ, «قازاۆتوجول» ۇك» اق باسقارما تٶراعاسى اسقار مۇراتۇلى جەنە ت. ب. قاتىستى.
