QR Premer-Ministri Asqar Mamin Nur-Sultan qalasyna Astana Finance Days Halyqaralyq qarjy forýmyna jáne Sheteldik investorlar keńesine qatysý úshin kelgen iri álemdik kompaniialardyń basshylarymen ekijaqty kezdesýler ótkizdi, dep habarlaidy "Ult aqparat" primeminister.kz saityna silteme jasap.
Kelissózder barysynda indýstriialandyrý, mashina jasaý, munai-gaz salasy, energetika, agroónerkásiptik keshen, farmatsevtikalyq ónerkásip, qarjy sektoryndaǵy investitsiialyq yntymaqtastyqty odan ári damytý máeleleri talqylandy.
QR Úkimetiniń basshysy Asqar Mamin jáne Exxon Mobil Production Company prezidenti Nill Ý. Daffin birlesken jobalardy iske asyrý barysyn talqylap, jańa joǵary tehnologiialy sheshimderdi engizýdiń mańyzdylyǵyn atap ótti. Taraptar atap ótkendei, óndiristi jańǵyrtý kásiporyndardaǵy eńbek ónimdiligi men jaǵdailardy jaqsartyp, ken oryndarynda munai óndirýdi arttyrýǵa qosymsha serpin beredi.
Baker Hughes, General Electric kompaniialar tobynyń basqarma tóraǵasy, prezidenti, bas atqarýshy direktory Lorentso Simonellidiń jetekshiligimen General Electric amerikandyq kompaniiasynyń ókilderimen kezdesýde investitsiialyq yntymaqtastyqty odan ári damytý máseleleri qaraldy. Energetika salasynyń ózgeristeriniń álemdik trendterin eskerýmen JEK salasyndaǵy perspektivaly ózara is-qimyldar talqylandy. Kompaniia sonymen qatar gazhimiia salasynda, densaýlyq saqtaý júiesinde, azamattyq aviatsiiada, onyń ishinde memlekettik-jekeshelik áriptestik tetiigi boiynsha jobalardy iske asyrýǵa qyzyǵýshylyq tanytty.
Polpharma polshalyq kompaniialar tobynyń baqylaý keńesiniń tóraǵasy Eji Starak óz kezeginde QR Premer-Ministri Asqar Mamindi birlesken jobalardaǵy aǵymdaǵy jaǵdailar týraly habardar etti. QR farmatsevtikalyq indýstriiasynda investitsiialyq baǵdarlamany iske asyrý máseleleri, kompaniianyń óndiristik alańdaryn odan ári jańǵyrtý boiynsha josparlar, qazaqstandyq farmatsevtikalyq kompaniialarmen yntymaqtastyq talqylandy.
Marubeni korporatsiiasynyń vitse-tóraǵasy Shigerý Iamazoemen kelissózder agroónerkásiptik keshen, energetika, JEK salasynja yntymaqtastyqty odan ári damytýǵa arnaldy. Taraptar investitsiiashlyq yntymaqtastyqty keńeitý úshin zor áleýetti atap ótip, birlesken jumystardy belsendirý nieti bildirdi. QR aýmaǵynda júzege asyrylyp jatqan jobalarǵa Marubeni salǵan investitsiialar kólemi – $750 mln.
Anadolu túrik kompaniialar tobynyń basqarma tóraǵasy Týndjai Ozilhanmen kezdesý barysynda investitsiialyq yntymaqtastyq máseleleri talqylandy. Indýstriialandyrý, sonyń ishinde mashina jasaý salasyndaǵy birlesken jobalardy iske asyrý barysy qaraldy. Buǵan qosa, investor qorshaǵan ortany qorǵaý, ásirese, ekinshi qaitara paidalanylǵan materialdardy óńdeý jobalaryna qatysýǵa bastama bildirdi.
Fung Group tóraǵasy Viktor Fýngpen kezdesýde álemdik ekonomika jáne saýda naryǵyndaǵy ózgerister, qarjy sektoryn damytýdyń ózekti máseleleri talqylandy. Taraptar jetkizilimderdiń jahandyq júielerin basqarý, sonyń ishinde tranzit jáne logistika, agroónerkásiptik keshen salalaryndaǵy eki jaqty yntymaqtastyqty damytý perspektivalaryn qarady.
Citigroup investitsiialyq jáne korporativtik bankiniń úkimetter jáne memlekettik sektor jahandyq blogynyń basshysy Djýli Monakomen, «Sitibank Qazaqstan» AQ basqarma tóraǵasy Andrei Kýrilinmen áńgimelesý barysynda qarjy saiasaty, kedendik ákimshilendirýdi jetildirý salasyndaǵy yntymaqtastyqty odan ári nyǵaitý jáne investitsiialyq jobalardy iske asyrýǵa kóńil bólindi. Taraptardyń aitýynsha, atalǵan baǵytta AHQO Birjasyna erekshe nazar aýdarylǵan.
«Qazaqstan el ekonomikasyn damytyp, onyń qurylymyn ártaraptandyrý úshin qolda bar barlyq múmkindikti paidalanady», — dep Djýliia Monako, Citigroup-tiń Qazaqstannyń álem men AHQO alańdarynda IPO uiymdastyrý jónindegi bastamalaryn qoldaitynyn aitty.
Sondai-aq, QR Premer-Ministri Asqar Maminniń «Deutsche Bank AG» Ortalyq jáne Shyǵys Eýropa boiynsha Óńirlik basqarmasynyń bas atqarýshy direktory Iiorg Bongarttspen kezdesýinde qarjy sektoryn damytý máseleleri talqylandy. Taraptar azamattarǵa bank qyzmetterin usyný salasynda tájiribemen almasý júiesin damytýdyń mańyzdylyǵyna toqtalyp ótti. Kezdesýler barysynda QR Premer-Ministri Asqar Mamin elimizde investorlardyń jumysy úshin qolaily jaǵdailar jasalǵanyn aityp, kompaniialardy jańa birlesken jobalardy iske asyrýǵa shaqyrdy. QR Úkimetiniń tarapynan investitsiialyq jobalardy tiimdi iske asyrý úshin qajetti kómek sharalary usynylady.
