QR Premer-Ministri Asqar Mamin Frantsiianyń ekonomika jáne qarjy ministri Brýno Le Mermen kezdesti, dep habarlaidy "Ult aqparat" primeminister.kz saityna silteme jasap.
Kelissózder barysynda Qazaqstan men Frantsiia arasyndaǵy saýda-ekonomikalyq jáne investitsiialyq yntymaqtastyqtyń ózekti máseleleri men keleshegi talqylandy.
«Frantsiia – Eýropalyq Odaqtaǵy basty saýda-ekonomikalyq seriktes», — dep Asqar Mamin, QR Tuńǵysh Prezidenti – Elbasy N. Nazarbaev pen Frantsiia Prezidenti E. Makron Briýsselde 2018 jyldyń qazan aiynda ótken "ASEM" sammiti aiasynda belgilegen saýda-ekonomikalyq kún tártibin iske asyrýdyń mańyzdylyǵyn atap ótti.
Frantsiia Qazaqstan ekonomikasyna salynǵan tikelei investitsiialar kólemi boiynsha alǵashqy bes eldiń qataryna kiredi. 2005 jyldan bastap 2018 jylǵa deiin Frantsiianyń Qazaqstan ekonomikasyna qarjy jumsalymynyń kólemi $15 mlrd asty. 2018 jyldyń qorytyndysy boiynsha taýar ainalymy 32,5%-ǵa nemese $4,5 mlrd-qa ósti.
Qazirgi tańda kóliktik mashina jasaý, qurylys materialdaryn, dári-dármekter, azyq-túlik ónimderin shyǵarý salasynda birlesken óndiris sátti jumys istep tur. Energetika, ǵarysh salalarynda, jańartylatyn qýat kózderi, infraqurylymdy damytý, Smart City jobalary boiynsha birlesken jumys júrgizilip jatyr.
Qazaqstanda frantsýz kapitalynyń qatysýymen, joǵary tehnologiialyq jobalardy júzege asyratyn «Total», «Orano», «Danon», «Vikat», «Pejo», «Alstom» sekildi 130-dan astam kásiporyn jumys isteidi.
Qazaqstan Premer-Ministri investitsiialyq yntymaqtastyqty odan ári damytýǵa, kólik infraqurylymy, tsifrlyq tehnologiialar, adami kapital salalaryndaǵy birlesken jobalardy júzege asyrýǵa qyzyǵýshylyq bar ekenin jetkizdi.
«Bizde aýyl sharýashylyǵynda úlken áleýet bar. Frantsýzdyq Danone, Lactalis jáne Soufllet kompaniialarymen birlesken jobalardy tabysty iske asyrylǵan jobalar dep aitýǵa bolady. Qazaqstan – ekologiialyq taza ónimdi óndirý jáne EAEO men QHR elderiniń syiymdy naryqtaryna shyǵý turǵysynan biznes júrgizý úshin perspektivaly oryn», — dedi Asqar Mamin.
Frantsýz investorlaryna birlesken óndiris oryndaryn ashýda, importty almastyrýda jáne agroónerkásiptik ónimderdi odan ári eksporttaýda jan-jaqty kómek kórsetiledi.
«Qazaqstan – Frantsiianyń Ortalyq Aziiadaǵy jetekshi seriktesi», — dep Frantsiianyń ekonomika jáne qarjy ministri B. Le Mer, frantsýz tarapynyń QR Tuńǵysh Prezidenti —Elbasy N. Nazarbaev ashqan jáne Frantsiia Prezidenti E. Makron rastaǵan strategiialyq yntymaqtastyqty jalǵastyrýǵa daiyn ekenin atap ótti.
B. Le Mer Qazaqstan men Frantsiianyń saýda-ekonomikalyq, investitsiialyq, indýstriialyq salalardaǵy yntymaqtastyq perspektivalaryn eskere otyryp, yntymaqtastyqtyń jańa deńgeiine ótýi úshin barlyq múmkindikteri bar dep esepteidi.
QR Premer-Ministri Asqar Mamin men Frantsiianyń ekonomika jáne qarjy ministri Briýno Le Mer «Samuryq-Qazyna» UÁQ» AQ men «Bpifrance» investitsiialyq kompaniiasy arasyndaǵy birlesken investitsiialaý týraly, QR Energetika ministrligi, «QazMunaiGaz» UK» AQ jáne «Total» kompaniiasy arasyndaǵy tsifrlyq tehnologiialar salasyndaǵy memorandýmdarǵa qol qoiý rásimine qatysty.
