QR Premer-Ministri Asqar Mamin «Frantsiia-Qazaqstan» Saýda-ónerkásip palatasynyń prezidenti Jerer Friestiń jetekshiligimen palata ókilderin qabyldady, dep habarlaidy "Ult aqparat" Úkimet basshysynyń resmi saityna silteme jasap.
«Frantsiia Qazaqstannyń Eýropadaǵy negizgi seriktesteriniń biri. Bizdiń elderimizdiń arasyndaǵy investitsiialyq jáne saýda-ekonomikalyq yntymaqtastyq belsendi damýda. Frantsýz kompaniialary energetika, aýyl sharýashylyǵy, mashina jasaý jáne Qazaqstan ekonomikasynyń basqa da sektorlarynda keńinen tartylǵan», — dedi A. Mamin.
Biyl 9 aida Qazaqstan men Frantsiia arasyndaǵy taýar ainalymy 6%-dan astamǵa $3,4 mlrd-qa deiin ósti. QR ekonomikasyna tikelei frantsýz investitsiialarynyń aǵymy osy jyldyń birinshi jartysynda 24%-ǵa $537 mln-ǵa deiin artty.
Qazaqstanda túrli salalarda frantsýz kapitalynyń qatysýymen 230-ǵa jýyq kásiporyn jumys isteidi, onyń ishinde Total, Orano, Alstrom jáne basqalary tárizdi iri transulttyq korporatsiialar bar. Táýelsizdik jyldary Frantsiia kompaniialary Qazaqstanǵa $16,4 mlrd-tan astam investitsiia saldy.
Úkimet basshysy men frantsýz kompaniiasynyń ókilderi eki eldiń biznes qurylymdary arasyndaǵy ózara tiimdi yntymaqtastyqty nyǵaitý jáne Qazaqstanda birlesken jańa investitsiialyq jobalardy iske asyrý máselelerin talqylady.
Kezdesýge QR syrtqy ister ministri M. Tileýberdi, energetika ministri Q. Bozymbaev, aýyl sharýashylyǵy ministri S. Omarov, ekologiia, geologiia jáne tabiǵi resýrstar ministri M. Myrzaǵaliev, indýstriia jáne infraqurylymdyq damý birinshi vitse-ministri Q. Óskenbaev, qarjy vitse-ministri R. Beketaev qatysty.
