QR Premer-Ministri Asqar Mamin biyl Qazaqstannyń tóraǵalyǵymen ótken Eýraziialyq úkimetaralyq keńestiń (EÚAK) qorytyndy otyrysyna qatysty, dep "Ult aqparat" primeminister.kz-ke silteme jasap.
Úkimet basshysy jyl basynda Qazaqstan Respýblikasynyń Prezidenti Qasym-Jomart Toqaev belgilegen EAEO-ǵa QR tóraǵalyq etýiniń basym baǵyttaryn iske asyrý jónindegi jumystyń tiimdiligin atap ótti.
Premer-Ministr biyl EAEO sheńberinde ónerkásiptik kooperatsiiany jandandyrý boiynsha aitarlyqtai jumys atqarylǵanyn jetkizdi. Birinshi jartyjyldyqtyń qorytyndysy boiynsha EAEO ónerkásiptik óndirisiniń kólemi $620 mlrd qurady, bul 2020 jyldyń sáikes kezeńindegi kórsetkishten 4,4%-ǵa joǵary. Aralyq taýarlarmen ózara saýda kólemi 40%-ǵa $20,3 mlrd deiin ósti. Jyl basynan beri Qazaqstanda EAEO-ǵa múshe memleketter biznesiniń qatysýymen 1172 jańa birlesken kásiporyn tirkelgen (+9%).
Úkimet basshysy EAEO aiasynda ózara saýdadaǵy kedergilerdi anyqtaý jáne joiý boiynsha atqarylǵan aýqymdy jumysty atap ótti. Qazirgi ýaqytta EAEO ishki naryǵyndaǵy kedergilerdiń 80%-y joiylǵan. EAEO-daǵy ózara saýda kólemi biylǵy 9 aida $52 mlrd qurady jáne 2020 jyldyń sáikes kezeńimen salystyrǵanda 32,5%-ǵa ulǵaidy.
EAEO-nyń tranzittik-kólik áleýetin damytý sheńberinde biyl birlestikke qatysýshy elderdiń kólik keshenderin integratsiialaý jónindegi is-sharalardy kózdeitin 2021-2023 jyldarǵa arnalǵan kólik saiasatyn iske asyrý jónindegi jol kartasy bekitildi.
Biylǵy jyldyń 10 aiynda Qazaqstan arqyly Ortalyq Aziia, Eýropa, Qiyr Shyǵys baǵytynda 883,2 myń JFE tasymaldandy, bul ótken jyldyń sáikes kezeńindegiden 25%-ǵa artyq. Qytai – Eýropa – Qytai baǵytyndaǵy tranzittik konteinerlik tasymal kólemi osy kezeńmen salystyrǵanda 36%-ǵa ósip, 604,5 myń JFE qurady.
EAEO elderiniń tsifrlandyrýdaǵy jemisti yntymaqtastyǵynyń mysaly retinde A. Mamin «Tsifrlyq kólik dálizderi», «Shekarasyz jumys» birizdendirilgen izdeý júiesi» jobalary men «COVID-syz saiahattaimyn» qosymshasyn atady. Ekonomikalyq integratsiia salasynda tiimdi quraldardy qurý boiynsha jańa tsifrlyq bastamalardy iske asyrý qajettigi atap ótildi.
A. Mamin shekara mańyndaǵy saýda infraqurylymyn damytý jónindegi jumys EAEO-nyń negizgi saýda seriktesteriniń ekonomikalarynyń dáiekti qalpyna kelýimen qatar, Eýraziialyq ekonomikalyq odaqtyń syrtqy saýda kórsetkishteriniń kúrt qalpyna kelý faktoryna ainalǵanyn atap ótti. Biylǵy qańtar-qyrkúiek ailarynda EAEO elderiniń syrtqy saýda kólemi $596 mlrd qurady, bul 2020 jyldyń sáikes kezeńimen salystyrǵanda 32,7%-ǵa artyq.
Otyrysqa qatysýshylar EAEO-nyń qara jáne tústi metaldar synyqtary men qaldyqtarynyń ortaq naryǵyndaǵy jaǵdaidy sheshý úshin EAEO-ǵa múshe memleketterdiń metallýrgiia kásiporyndaryn shikizatpen qamtamasyz etý jónindegi 2021-2024 jyldarǵa arnalǵan is-sharalar josparyn bekitti. EAEO aiasynda kredittik tarih quramyna kiretin málimettermen almasý tártibi týraly kelisimge qol qoiyldy.
Qazaqstandyq taraptyń seriialyq ónimniń shyǵý orny týraly sertifikattardy qoldaný úshin taýarlar tizbesin keńeitý týraly bastamasy qoldaý tapty. Bul sheshim qazaqstandyq kásiporyndarǵa ákimshilik shyǵyndardy qysqartýǵa múmkindik beredi.
Otyrysqa Armeniia Premer-Ministri Nikol Pashinian, Belarýs Premer-Ministri Roman Golovchenko, Resei Premer-Ministri Mihail Mishýstin, Ózbekstan Premer-Ministri Abdýlla Aripov, Qyrǵyzstan ministrler kabinetiniń tóraǵasy – Prezidenti Ákimshiliginiń basshysy Aqylbek Japarov qatysyp, Kýba Premer-Ministri Krýs Manýel Marrero beineúndeý jasady.
Erevan qalasyna jumys sapary aiasynda Asqar Mamin Resei Úkimetiniń Tóraǵasy Mihail Mishýstinmen jáne Belarýs Premer-Ministri Roman Golovchenkomen ekijaqty kelissóz júrgizdi.
