QR Premer-Ministri Asqar Mamin biyl Nur-Sultan qalasynda paidalanýǵa berý josparlanyp otyrǵan, «Nurly jer» memlekettik baǵdarlamasy aiasynda salynyp jatqan áleýmettik turǵyn úiler — «Baǵystan» jáne «Bazis» turǵyn úi keshenderi qurylysyn tekserdi, dep habarlaidy primeminister.kz.
Qazirgi ýaqytta jalpy aýdany 160 myńnan astam sharshy metr (2786 páter) bolatyn atalǵan turǵyn úi keshenderiniń qurylysyna 500-ge jýyq adam tartylǵan, jumys iri paneldi úi qurylysy salasyndaǵy aldyńǵy qatarly ázirlemelerdi qoldana otyryp, eki aýysymda júrgizilip jatyr.
Úkimet basshysy barlyq qurylys jumystaryn sapaly oryndap, nysandardy josparlanǵan merzimde paidalanýǵa berýdi tapsyrdy.
«Úkimettiń qazirgi tańdaǵy asa mańyzdy mindeti – qurylys qarqynyn arttyryp, áreket etip turǵan jumys oryndaryn saqtaý jáne jańa jumys oryndaryn qurý, halyqty turǵyn úimen qamtamasyz etý», — dedi A. Mamin.
2020 jyly elordada shamamen 3 mln sharshy metr turǵyn úi, al jalpy elimizde 15 mln sharshy metr nemese 150 myń turǵyn úi salynady. Qazaqstan Respýblikasynda halyqtyń áleýmettik áljýaz toptarynan, az qamtamasyz etilgen otbasylar men jastardan, biýdjettik uiymdardyń qyzmetkerlerinen turatyn 32 myńnan astam otbasy jaldamaly jáne nesielik páterlermen qamtamasyz etiledi.
Inspektsiialyq tekserýge Premer-Ministrdiń orynbasary R. Skliar, Nur-Sultan q. ákimi A. Kólginov, indýstriia jáne infraqurylymdyq damý birinshi vitse-ministri Q. Óskenbaev jáne t. b. qatysty.
