29 sáýir men 4 mamyr aralyǵynda QR Premer-Ministri Asqar Mamin qurylys salasyn, azamattyq aviatsiiany, óńdeý sektoryn, agroónerkásiptik jáne kólik keshenin, shaǵyn jáne orta biznesti, saýda men týrizmdi damytý jáne qoldaý máseleleri jóninde keńester ótkizdi, dep habarlaidy primeminister.kz.
Talqylaýǵa ortalyq memlekettik organdardyń, «Samuryq-Qazyna» UÁQ» AQ, «Báiterek» UBH» AQ, «Atameken» UKP jáne salalyq qaýymdastyqtardyń basshylyǵy qatysty.
Keńesterde kásipkerlik sýbektilerin salyqtyq yntalandyrý, nesielendirý máseleleri, otandyq taýar óndirýshilerdi qorǵaý, retteletin satyp alýlar quraldary, eksportqa baǵyttalǵan, eń aldymen, orta jáne joǵary bólinistegi ónimderdi óndiretin kásiporyndardy qoldaý, ruqsat berý rásimderin odan ári jeńildetý jáne t. b. sharalar egjei-tegjeili qaraldy.
QR Premer-Ministri Asqar Mamin Qazaqstannyń ekonomikalyq ósimin qalpyna keltirý jónindegi keshendi jospardy ázirleý kezinde ekonomika salalaryn qoldaý boiynsha ázirlengen tásilderdi eskerýdi tapsyrdy.
