QR Premer-Ministri Asqar Mamin Ekonomikany jańǵyrtý jónindegi memlekettik komissiianyń otyrysyn ótkizdi, dep habarlaidy Úkimettiń resmi saity.
Qaraǵandy oblysy Saran qalasyndaǵy burynǵy rezina tehnika buiymdarynyń zaýyty bazasynda iri ónerkásip jobalaryn iske asyrý máseleleri qaraldy.
Atap aitqanda, «Yutong» markaly avtobýstar men arnaiy tehnikany qurastyrýdy uiymdastyrý josparlanǵan. Jobaǵa salynatyn investitsiia kólemi 22 mlrd teńgeni quraidy. Kásiporynnyń jobalyq qýaty — jylyna 1 200 avtobýs jáne 500 arnaiy tehnika men arnaiy kólik qurastyrýǵa múmkindik beredi.
Sonymen qosa «Doublestar» markaly avtomobil dóńgelegin óndirý jolǵa qoiylady. Jobaǵa 56 mlrd teńge investitsiia salyp, jyl saiyn jeńil kólik úshin 3 mln dóńgelek jáne kommertsiialyq tehnika úshin 500 myń dóńgelek shyǵarý kózdelgen.
Sonymen qatar rezina tehnikasy zaýyty alańynda daiyn óndiristik ǵimarattar kesheni (Ready Built Factory) qurylady. Onda shaǵyn kásipkerler indýstriialyq jobalardy, onyń ishinde quraýshy bólshekter men komponentterdi ótkizetin bolady.
Otyrysqa qatysýshylar sonymen qatar Soltústik Qazaqstan jáne Qostanai oblystarynyń agroholdingteriniń investorlaryna memlekettik qoldaý kórsetý, 2016-2020 jyldarǵa arnalǵan Jekeshelendirýdiń keshendi josparyn iske asyrý, óńdeý ónerkásibi kásiporyndarynyń qyzmeti jáne t.b. máselelerdi qarastyrdy.
