QR Premer-Ministri Asqar Maminniń tóraǵalyǵymen QR Prezidenti janyndaǵy Ekonomikalyq ósimdi qalpyna keltirý jónindegi memlekettik komissiianyń alǵashqy otyrysy ótti, dep jazady primeminister.kz.
Ekonomikany damytý boiynsha odan arǵy sharalar boljamy týraly ulttyq ekonomika ministri R. Dálenov, Ulttyq bank tóraǵasy E. Dosaev, «Samuryq-Qazyna» UÁQ» AQ basqarma tóraǵasy A. Esimov, «Atameken» UKP basqarma tóraǵasy T. Qulybaev, «Atameken» UKP prezidiýminiń tóraǵasy T. Qulybaev, «Astana» halyqaralyq qarjy ortalyǵynyń basqarýshysy Q. Kelimbetov, óńirler men salalyq qaýymdastyqtardyń basshylary baiandady.
Premer-Ministr Memlekettik komissiianyń basty mindeti Qazaqstannyń 2025 jylǵa deiingi Strategiialyq damý josparynyń jobasyn jańa redaktsiiasynda ázirleý ekenin atap aitty, ol QR Prezidentiniń qaraýyna biyl 1 tamyzǵa deiin usynylady.
Qujatta ortasha merzimdi kezeńge arnalǵan elimizdiń jańa ekonomikalyq baǵytynyń baǵdarlary aiqyndalatyn bolady, onyń ishinde syrtqy ekonomikalyq koniýnktýradaǵy ózgeristerdi eskerýmen ekonomikada institýtsionaldyq jáne qurylymdyq reformalardy júrgizýge qatysty túbegeili jańa tásilder qamtylady.
«Strategiialyq qujat aǵymdaǵy jáne áleýetti ekonomikalyq syn-tegeýrinderge jaýabymyz bolady. Bizge elimizdiń básekeli artyqshylyqtaryn barynsha paidalanýmen Qazaqstan ekonomikasynyń jańa qurylymyn qalyptastyrý boiynsha sharalardy ázirlep, qabyldaý qajet», — dedi A. Mamin.
Úkimet basshysy memlekettik qoldaýdy otandyq óndiristiń áleýetin kóterýge baǵyttaý arqyly ekonomikanyń derbestigin arttyrý boiynsha túbegeili sharalardy qabylaýdyń, tolyqqandy azyq-túlik qaýipsizdigin qamtamasyz etýdiń jáne QR-nyń álemdik azyq-túlik haby retinde qalyptasýynyń, eksporttyq áleýetti belsendi túrde arttyrýdyń jáne qundy qalyptastyrýdyń jahandyq tizbegine kirigýdiń, sapaly investitsiialardy targettep tartýdyń, shaǵyn jáne orta biznesti damytýdyń, sondai-aq tirshilik áreketiniń barlyq salalaryn tsifrlandyrýdyń mańyzyn atap ótti.
