Qazaqstan Respýblikasynyń Premer-Ministri Asqar Mamin «Shevron» (Chevron) kompaniiasynyń direktorlar keńesiniń tóraǵasy M. Ýirtpen munai óndirý salasyndaǵy ózara is-qimyldyń keleshegi máselelerin talqylady, dep habarlaidy "Ult aqparat".
Úkimet basshysy sońǵy jyldary Qazaqstan «Shevron» kompaniiasymen tyǵyz jáne ózara tiimdi yntymaqtastyq ornatqanyn atap ótti. Asqar Mamin júzege asyrylyp jatqan jobalardaǵy kompaniianyń satyp alýlaryndaǵy jerigilikti qamtý úlesin arttyrýǵa qyzyǵýshylyq bar ekenin jetkizdi.
Taraptar quny $36,8 mlrd quraityn «Teńizshevroil» (TShO) keleshekte keńeitý jobasyn talqylady. Jobany 2022 jyly aiaqtaý TShO tabysyn jylyna 12 mln tonnaǵa arttyrady.
M.Ýirt «Shevron» kompaniiasy týraly aqparat berip, kompaniianyń Qazaqstan aýmaǵyndaǵy jobalarynyń ónimdiligin atap ótti.
Qazaqstannyń Shevronmen yntymaqtastyǵy myna jobalar aiasynda júzege asyrylýda: Teńiz (50%), Qarashyǵanaq (18%) jáne Kaspii qubyr konsortsiýmy (15%). «Shevron» energiia tasymaldaýshylardy óndirýmen jáne tasymaldaýmen qatar, Atyraý polietilen qubyrlary zaýyty (APQZ) jáne Atyraý qubyr jelisi armatýralary zaýyty (AQAZ) jáne t.b. jumysyn qamtamasyz etedi.
Kezdesýge QR energetika ministri Q. Bozymbaev, «QazMunaiGaz» AQ basqarma tóraǵasy A. Aidarbaev jáne Atyraý oblysynyń ákimi N. Noǵaev qatysty.
