قازاقستان رەسپۋبليكاسىنىڭ پرەمەر-مينيسترٸ اسقار مامين «شەۆرون» (Chevron) كومپانيياسىنىڭ ديرەكتورلار كەڭەسٸنٸڭ تٶراعاسى م. ۋيرتپەن مۇناي ٶندٸرۋ سالاسىنداعى ٶزارا ٸس-قيمىلدىڭ كەلەشەگٸ مەسەلەلەرٸن تالقىلادى, دەپ حابارلايدى "ۇلت اقپارات".
ٷكٸمەت باسشىسى سوڭعى جىلدارى قازاقستان «شەۆرون» كومپانيياسىمەن تىعىز جەنە ٶزارا تيٸمدٸ ىنتىماقتاستىق ورناتقانىن اتاپ ٶتتٸ. اسقار مامين جٷزەگە اسىرىلىپ جاتقان جوبالارداعى كومپانييانىڭ ساتىپ الۋلارىنداعى جەرٸگٸلٸكتٸ قامتۋ ٷلەسٸن ارتتىرۋعا قىزىعۋشىلىق بار ەكەنٸن جەتكٸزدٸ.
تاراپتار قۇنى $36,8 ملرد قۇرايتىن «تەڭٸزشەۆرويل» (تشو) كەلەشەكتە كەڭەيتۋ جوباسىن تالقىلادى. جوبانى 2022 جىلى اياقتاۋ تشو تابىسىن جىلىنا 12 ملن تونناعا ارتتىرادى.
م.ۋيرت «شەۆرون» كومپانيياسى تۋرالى اقپارات بەرٸپ, كومپانييانىڭ قازاقستان اۋماعىنداعى جوبالارىنىڭ ٶنٸمدٸلٸگٸن اتاپ ٶتتٸ.
قازاقستاننىڭ شەۆرونمەن ىنتىماقتاستىعى مىنا جوبالار اياسىندا جٷزەگە اسىرىلۋدا: تەڭٸز (50%), قاراشىعاناق (18%) جەنە كاسپيي قۇبىر كونسورتسيۋمى (15%). «شەۆرون» ەنەرگييا تاسىمالداۋشىلاردى ٶندٸرۋمەن جەنە تاسىمالداۋمەن قاتار, اتىراۋ پوليەتيلەن قۇبىرلارى زاۋىتى (اپقز) جەنە اتىراۋ قۇبىر جەلٸسٸ ارماتۋرالارى زاۋىتى (Aقاز) جەنە ت.ب. جۇمىسىن قامتاماسىز ەتەدٸ.
كەزدەسۋگە قر ەنەرگەتيكا مينيسترٸ ق. بوزىمباەۆ, «قازمۇنايگاز» اق باسقارما تٶراعاسى ا. ايدارباەۆ جەنە اتىراۋ وبلىسىنىڭ ەكٸمٸ ن. نوعاەۆ قاتىستى.
