QR Premer-Ministri Asqar Mamin otandastarymyzdy 1 mamyr - Qazaqstan halqynyń birligi kúnimen quttyqtady, dep habarlaidy "Ult aqparat" primeminister.kz-ke silteme jasap.
«Qurmetti otandastar, barshańyzdy 1 mamyr – Qazaqstan halqynyń birligi kúnimen quttyqtaimyn! Búgingi mereke – bizdiń eń asyl qundylyǵymyz bereke-birligimizdiń simvoly. Kópultty qoǵamnyń yntymaǵynyń arqasynda Qazaqstan óziniń yqylym zamanǵy tarihynda talai qiynshylyqty eńserip, kemel keleshegine nyq qadam basyp keledi.
Halqymyzdyń aýyzbirshiligi qazirgidei kúrdeli kezeńdegi synaqtan da súrinbei ótip, bizdiń ortaq shańyraǵymyz – Qazaqstan Respýblikasynyń damý jolyn jalǵastyrýǵa múmkindik beretinine senimdimin.
Qazaqstandyqtarǵa, árbir otbasyna zor densaýlyq, ózara syilastyq, beibit ómir men igilik tileimin!» - dedi Qazaqstannyń Premer-Ministri Asqar Mamin.
