QR Úkimetiniń basshysy QR Bilim jáne ǵylym ministrliginiń ujymyna jańa ministrdi tanystyrdy, dep habarlaidy "Ult aqparat" primeminister.kz-ke silteme jasap.
A. Mamin Ashat Aimaǵambetovtyń bilim berý salasynda tiisti bilimi men úlken tájiribesi bar ekenin atap ótti.
Ol túrli jyldary Qaraǵandy oblysynyń Bilim basqarmasynyń basshysy, bilim jáne ǵylym vitse-ministri qyzmetterin atqardy, Qaraǵandy oblysy ákiminiń orynbasary boldy.
Premer-Ministr Bilim jáne ǵylym ministrliginiń aldynda aýqymdy mindetter turǵanyn aitty. Bul - mektepke deiingi, orta, kásiptik-tehnikalyq jáne joǵary bilimdi jańǵyrtý, suranysqa ie zamanaýi mamandar daiarlaý, bilim jáne ǵylymnyń sapaly júiesin damytý.
Sondai-aq Úkimet basshysy QR Prezidentiniń Jarlyǵymen basqa jumysqa aýysýyna bailanysty QR bilim jáne ǵylym ministri laýazymynan bosatylǵan Kúlásh Noǵataiqyzy Shámshidinova jemisti jumysy úshin alǵys bildirip, jańa orynda sáttilik tiledi.
«Kúlásh Noǵataiqyzy - tájiribesi mol basshy. Ministr qyzmetinde qarqyndy jumys istep, elimizdiń bilim berý salasynyń damýyna eleýli úles qosty», - dedi QR Premer-Ministri.
