Bilim berý uiymdarynda sanitariialyq normalardyń saqtalýyn erekshe baqylaýda ustaý qajet. Bul týraly Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Kún ótken saiyn kóp óńirler «qyzyl» aimaqtan shyǵyp jatyr. Qazirdiń ózinde «sary» aimaqta 5 óńir, atap aitqanda, Shyǵys Qazaqstan, Soltústik Qazaqstan, Batys Qazaqstan Jambyl jáne Qyzylorda oblystary tur. Sonymen qatar, Túrkistan oblysy «jasyl« aimaqta. Qazirgi basty mindetimiz – qyzyl aimaqtaǵy óńirlerde virýs juqtyrý deńgeiiniń ornyqty tómendeýine qol jetkizý», - dedi Asqar Mamin.
Úkimet basshysy ol úshin epidemiologiialyq jaǵdaidy udaiy baqylaýda ustaý qajettigin, ásirese Almaty, Nur-Sultan, Shymkent qalalarynda, Qaraǵandy, Pavlodar, Aqmola oblystarynda jumysty kúsheitý kerektigin basa aitty.
«Jańa oqý jylynyń bastalǵanyn eskersek, bilim berý uiymdarynda sanitariialyq normalardyń saqtalýyn erekshe baqylaýda ustańyzdar», - dedi Premer-Ministr.
