Búgin Úkimet úiinde QR Premer-Ministri Asqar Maminniń tóraǵalyǵymen «Báiterek» ulttyq basqarýshy holdingi» AQ Direktorlar keńesiniń otyrysy ótti, dep habarlaidy "Ult aqparat".
Otyrys barysynda 15 mlrd teńge somasyna avtobýstardy, traktorlar men kombaindardy lizingke satyp alý úshin Holdingtiń quramyna kiretin «QDB-Lizing» AQ-nyń jarǵylyq kapitalyn arttyrý týraly sheshim qabyldandy.
Budan ózge, qazaqstandyq jeńil avtokólikterin satyp alýshy jeke tulǵalarǵa nesie berý úshin ekinshi deńgeili bankterdi shartty qarjylandyrý arqyly otandyq avto óndirýshilerin qoldaý úshin Qazaqstannyń Damý Bankine keiinnen qaryz berýmen «Báiterek» holdingine nesie berý maquldandy. Ekinshi baǵyt — qazaqstandyq aýyl sharýashylyǵy tehnikasyn qospaǵanda, avto kólik quraldary men arnaiy maqsattaǵy avto tehnikalaryn lizingke satyp alatyn zańdy jáne jeke kásipkerlerdi lizingtik qarjylandyrýǵa nesie berý.
Direktorlar keńesiniń músheleri 2019 jylǵa Biznes-protsester, táýekelder jáne baqylaýlar matritsasyn jáne Holdingtiń Ishki aýdit qyzmetiniń 2018 jylǵy IV toqsandaǵy esebin bekitti.
