QR Premer-Ministri Asqar Maminniń tóraǵalyǵymen ótken «Báiterek» ulttyq basqarýshy holdingi» AQ direktorlar keńesiniń otyrysynda 2020 jylǵa arnalǵan jyldyq biýdjet jáne 2019-2021 jyldarǵa arnalǵan Damý josparyna ózgerister bekitildi, sondai-aq, basqa da máseleler qaraldy. Bul týraly primeminister.kz habarlaidy.
2016-2019 jyldary «Báiterek» UBH» AQ-ǵa respýblikalyq biýdjetten jáne QR Ulttyq qorynan 824 mlrd teńge bólindi, bul qarjy jalǵa beriletin turǵyn úi qurylysyn qarjylandyrýǵa, úlestik salymdardy kepildendirýge, otandyq eksportshylardy, qazaqstandyq shikizattyq emes taýarlar óndirýshilerin jáne syrtqy naryqtarda qyzmet kórsetýshilerge qoldaý kórsetýge, aýyldyq eldi mekenderdi keń jolaqty internet jelisimen qamtamasyz etýge, 2015-2019 jyldarǵa arnalǵan IIDMB men «Biznestiń jol kartasy – 2020» biznesti qoldaý men damytýdyń memlekettik baǵdarlamasyn iske asyrýǵa, «Saryarqa» magistraldy gaz qubyryn salýǵa, kóp balaly, tolyq emes jáne az qamtylǵan otbasylardy nesielendirýge jáne basqa da jobalarǵa baǵyttaldy.
Otyrysta 2017-2021 jyldarǵa arnalǵan túzetilgen (2019-2021 jyldarǵa qatysty) damý jospary men 2019 jylǵa arnalǵan «Báiterek» holdinginiń jyldyq biýdjeti, syn-tegeýrinder boiynsha esep, Holdingtiń Ishki aýdit qyzmetiniń 2019 jyldyń úshinshi toqsanyna esebi, jyldyq biýdjeti jáne «Báiterek» holdinginiń direktorlar keńesiniń 2020 jylǵa arnalǵan jumys jospary bekitildi.
«Báiterek» UBH» AQ damý josparyna «QTÚQJB» AQ-nyń «Óz úiim» baǵdarlamasyn, avtomobil ónerkásibi men qurylys sektoryndaǵy jobalardy iske asyrý, kólik jáne indýstriialyq infraqurylymdy jańǵyrtý, óńdeý ónerkásibin qarjylandyrý jáne t.b. maqsattarda túzetýler engizildi.
