Búgin Senattyń jalpy otyrysynda QR Úkimet basshysy Asqar Mamin azyq-túlik baǵasynyń negizsiz ósýine jol bermeý qadamdary týraly aitty, dep habarlaidy QazAqparat.
«Resmi málimetter boiynsha jyl basynan azyq-túlik toptamasy boiynsha baǵa 7 paiyzdan astam ósti. Baǵanyń negizgi ósimi tótenshe jaǵdai kezeńinde tirkeldi. Ózderińiz bilesizder, atalǵan kezeńde shekaralar jabylyp, taýar naryqtary shekteldi. Ásirese, osynyń barlyǵy azyq-túlik toptamasyna, áleýmettik mańyzdaǵy taýarlarǵa áser etti. Bul óz kezeginde áleýmettik mańyzdy taýarlarǵa baǵanyń ósimine bailanysty teris áser berdi», - dedi Úkimet basshysy depýtattar suraǵyna jaýap bere otyryp.
Onyń aitýynsha, aldaǵy ýaqytta osyndai teris trendterge jol bermes úshin Úkimet birqatar sharalardy qabyldady.
«Infraqurylymdy qoldaýdyń mańyzy bar. Bizdińshe, atqarylyp jatqan sharalar kesheni tiisti oń nátije beredi. Jalpy, azyq-túlik toptamasyndaǵy 29 áleýmettik mańyzdaǵy taýarlar boiynsha pozitsiiany qarap otyrmyz. 12-si boiynsha qamtamasyz etý deńgeii 100 paiyz, iaǵni bul azyq-túlik qaýipsizdigine qatysty. 11 taýarlyq top boiynsha qamtamasyz etý kórsetkishi 80 paiyz. Qazir 6 pozitsiia boiynsha jumys istep jatyrmyz, bul baǵytta qamtamasyz etý kórsetkishi 60 shamasynda», - dep túsindirdi A. Mamin.
Osy oraida ol importty almastyraý máselesin sheshý úshin tiisti qujat daiyndalǵanyn, aldaǵy úsh jylda atalǵan 6 taýarlyq top boiynsha importqa táýeldilikti tolyqtai joiý eskerilgenin jetkizdi.
«Ol úshin birqatar investitsiialyq jobany júzege asyrý kerek. Baǵalaý boiynsha 750 mlrd teńge somasyndaǵy 200-den astam jobany qamtý qajet. Sondyqtan aldaǵy úsh jylda tolyqtai importqa táýeldilikti joiý maqsatyn belgiledik», - dedi Premer-Ministr.
