QR Premer-Ministri Asqar Mamin Aziia damý bankiniń Qazaqstandaǵy ókildiginiń direktory Nariman Mannapbekovti qabyldady. Bul týraly primeminister.kz saitynda habarlandy.
Buǵan deiin bul qyzmetti Djovanni Kapannelli atqarǵan.
Taraptar infraqurylymdy, shaǵyn jáne orta biznesti, densaýlyq saqtaýdy damytý jáne pandemiia saldarynyń Qazaqstan ekonomikasyna áserin azaitý jobalaryn iske asyrýda QR men ADB-nyń odan ári yntymaqtastyǵynyń perspektivalaryn talqylady.
1994 jyldan bastap ADB Qazaqstanda qarjy, infraqurylym, energetika, kommýnaldyq qyzmetter sektory jáne basqa da salalardy damytý jónindegi memlekettik jobalardy iske asyrýǵa $5,1 mlrd-tan astam qaryz bóldi.
ADB $50 mln-ǵa kólik jáne aýyl sharýashylyǵy keshenderinde, bilim berýde, densaýlyq saqtaýda, shaǵyn jáne orta biznesti damytýda 100-ge jýyq tehnikalyq kómek jobasyn qarjylandyrdy. Kólik, kommýnaldyq qyzmetter, mal sharýashylyǵy jáne t. b. salalardaǵy jeke sektor jobalaryn iske asyrýǵa $628 mln-nan astam qarajat bólindi.
