QR premer-ministri Asqar Mamin Atyraý oblysyna jumys sapary barysynda munai-gaz salasy kásiporyndaryn aralap, jańa ónerkásiptik nysandardyń salyný barysymen tanysty jáne jergilikti qamtýdy, munai-gaz, mashina jasaýdy damytý jáne QR eńbek zańnamasyn saqtaý máseleleri boiynsha keńes ótkizdi.
Rrimeminister.kz saity habarlaǵandai, QR Úkimetiniń basshysy salynyp jatqan «Teńiz» ken orny úshinshi býyn zaýytyna bardy, ol «Teńizshevroil» JShS júzege asyryp jatqan Bolashaq keńeitý jobasy aiasynda salynyp jatyr.
Zaýytta jalpy qurylys jumystary, jerasty kommýnikatsiialaryn júrgizý, rezervýarlar montajy júrgizilip jatyr, onda 23 qurastyrmaly modýldik estakada ornatylǵan. Eki gaztrýbinaly generator men tehnologiialyq modýldi qurastyrý sátti aiaqtaldy. Zaýyttyń qurylys alańynda 25 merdigerlik jáne qosalqy merdigerlik uiym jumys isteidi, 3300-ge jýyq adam tartylǵan. Joba 2022 jyly aiaqtalady.
QR premer-ministri sonymen qatar Qashaǵan ken ornyn jáne munai óndirilip, ony «Bolashaq» zaýytyna qubyr jelisi arqyly odan ári tasymaldaýmen birinshi rettik seperatsiia júrgiziletin D jasandy aralyn ushaqpen aralady.
Atyraý oblysyna jumys sapary aiasynda QR Úkimetiniń basshysy jergilikti qamtýdy damytý, munai-gaz, mashina jasaý, QR eńbek zańnamasyn saqtaý máseleleri boiynsha keńes ótkizdi.
Asqar Mamin iri jobalar operatorlarynyń satyp alýlarynda jergilikti qamtý úlesi ósimdi baiqatyp otyrǵanyn atap ótti, biraq qazaqstandyq mashinajasaýshylardyń ónimderi tolyqqandy paidalanylmai otyr.
«Bul jaǵdai pármendi sharalardy, onyń ishinde jobalar operatorlary tarapynan da qabyldaýdy talap etedi», - dedi QR premer-ministri.
Asqar Mamin Úkimettiń Mashinajasaýdy damytýdyń 2019-2024 jyldarǵa arnalǵan Jol kartasyna qabyldaǵanyn aitty, onda mashina jasaý kásiporyndaryn salyqtyq artyqshylyqtarmen, qarjylyq jáne shikizattyq qoldaýmen, sondai-aq bilikti kadrlarmen qamtamasyz etý boiynsha máselelerdi pysyqtaý qarastyrylǵan.
Keńeste sonymen qatar QR eńbek zańnamasynyń saqtalý máseleleri talqylandy, atap aitqanda, jer qoinaýyn paidalanýshylardyń kásiporyndarda jumyskerlerdiń qaýipsiz eńbek jaǵdailary men turýyn qamtamasyz etý boiynsha merdigerler men qosalqy merdigerlerge qatysty vertikaldi baqylaýdy engizýi talqylandy.
Sonymen qatar óńirge jumys sapary barysynda QR Premer-Ministri «AMÓZ» JShS munaidy tereń óńdeý keshenin, «AtyraýMunaiMash», «Ulttyq indýstriialyq munaihimiia tehnoparki» AEA, «Polimer Prodakshn», «Kazakhstan Petrochemical Industries Inc.», «Karabatan Utility Solutions», «Bolashaq» munai jáne gaz óńdeý zaýytyn, «Shevron Munaigaz Ink.», túrli markaly optikalyq kabel shyǵaratyn zaýytty aralady.
