QR Premer-Ministri Asqar Mamin Aqmola oblysy Arshaly aýdanynyń Qostomar aýylynda «Astana EXPO-2017» jel elektr stantsiiasynyń 1-shi iske qosý kesheniniń jumysymen jáne 2-shi iske qosý kesheniniń qurylysynyń aiaqtalýymen tanysty, dep habarlaidy "Ult aqparat".
2-shi iske qosý keshenin paidalanýǵa berý jáne JES-tiń 100 MVt tolyq jobalyq qýatyna shyǵýy 2020 jyldyń IV toqsanyna josparlanyp otyr (qýaty 50 MVt bolatyn alǵashqy iske qosý kesheni 2019 jyly tamyz aiynda paidalanýǵa berildi).
«Astana EXPO-2017» JES 10 myńnan asa otbasynyń jyldyq energiia tutynýyn qamtamasyz etip, parnik gazdarynyń shyǵaryndylaryn jylyna 230 myń tonnaǵa azaitýǵa jáne jylyna 79 myń tonnadan astam otyndy únemdeýge múmkindik beredi. Nysan qurylysyna 300-den asa adam tartylǵan, 20 jergilikti maman JES paidalaný úshin oqý kýrsynan ótip jatyr.
Jumys saparyna QR Premer-Ministriniń orynbasary R. Skliar, energetika ministri N. Noǵaev, Aqmola oblysynyń ákimi E. Marjyqpaev, «Qazaqstan Damý banki» AQ basqarma tóraǵasy A. Sarqulov jáne basqalary qatysty.
