QR Premer-Ministri Asqar Maminniń tóraǵalyǵymen QR Úkimetiniń otyrysy ótti. Kún tártibinde Memleket basshysy Qasym-Jomart Toqaevtyń Elbasy Nursultan Nazarbaevtyń qazaqstandyqtardyń ál-aýqatyn arttyrý boiynsha strategiiasynyń jalǵasy bolyp tabylatyn áleýmettik máselelerdi sheshý boiynsha tapsyrmalaryn oryndaý máseleleri qaraldy.
QR Úkimetiniń otyrysy kezinde 2019-2021 jyldarǵa arnalǵan respýblikalyq biýdjetke jáne 2017 – 2021 jyldarǵa arnalǵan, shaǵyn nesielendirý quraldaryn keńeitýge, granttar bólýge, qysqa merzimdi oqytýǵa jáne kásipkerlik negizderine oqytýǵa baǵyttalǵan «Eńbek» ónimdi jumyspen qamtý jáne jappai kásipkerlikti damytý memlekettik baǵdarlamasyna ózgerister men tolyqtyrýlar engizý týraly qaýly jobalary qabyldandy. Jumyssyzdardy ónimdi jumyspen qamtýǵa tartýdyń mańyzdylyǵyn eskere otyryp, «Eńbek» memlekettik baǵdarlamasynyń tetikterin keńeitýge qosymsha 50 mlrd teńge qaralady.
«Qazaqstandyqtardyń ál-aýqatyn arttyrý - QR Úkimetiniń jumysynyń negizgi baǵyty. Ministrler kabinetiniń birinshi kezektegi mindeti - áleýmettik qoldaý sharalaryn iske asyrýǵa birden kirisý, olardy ýaqytyly oryndaý úshin barlyq uiymdastyrýshylyq jáne quqyqtyq is-sharalardy shuǵyl júrgizý. Bul azamattardyń materialdyq ál-aýqatyn jaqsartýǵa múmkindik beredi», – dedi Asqar Mamin.
QR Úkimetiniń basshysy memlekettik organdarǵa bir apta ishinde azamattardyń borysh júktemesin azaitýǵa bólingen qarajatty paidalaný tetikterin aiqyndaýdy, azamattardyń kepilsiz tutynýshylyq nesieleri boiynsha jinaqtalǵa aiyppuldar men ósimpuldardy esepten shyǵarýdy tapsyrdy.
Sonymen qatar QR Premer-Ministri jumysqa ornalasýǵa muqtaj adamdardy izdeý men bos jumys oryndaryn toltyrýdyń belsendi formatyna kóshý arqyly Halyqty jumyspen qamtý ortalyqtarynyń jumysyn jetildirýdi tapsyrdy.
«Turǵyn úimen qamtamasyz etý baǵyty boiynsha memlekettik organdarǵa jumys isteitin jastar arasynda turǵyn úi bólý tetigin bekitýdi aiaqtaýdy jáne turǵydan az qamtylǵan otbasylarǵa turǵyn úi satyp alý úshin jeńildikti nesieler berý tetigin iske qosýdy jedeldetý tapsyryldy. 1 qyrkúiekten bastap turmysy tómen jáne kópbalaly otbasylardan shyqqan balalarǵa 5 myń nysanaly bilim granty qosymsha bólinedi, jumysshy mamandyqtarynyń stipendiiasy 30 paiyzǵa artady», - dedi Asqar Mamin jáne osy granttardy berýdi qamtamasyz etýdi tapsyrdy.
Barlyq óńirlerdiń ákimderine búkil normativtik rásimderdi qatań saqtaý, ataýly áleýmettik kómek alýshylarǵa monitoring júrgizý tapsyryldy.
Turǵyndardy nátijeli jumyspen qamtý sharalarymen qamtýdy arttyrý úshin QR Premer-Ministrine Atyraý, Jambyl, Almaty, Aqtóbe jáne Túrkistan oblystarynyń oń tájiribesin eskerýmen turǵyndardyń tabysyn arttyrý úshin óńirlerdiń skriningin iske asyrý josparyn jáne ádistemesin ázirleý tapsyryldy. Skrining bazasynda kásipkerler men úi sharýasyndaǵy áielderge saýalnama júrgizý qamtamasyz etiledi.
«Qabyldanyp jatqan sharalar eń aldymen naqty muqtaj azamattardy qoldaýǵa, onyń ishinde jastardy qoldaýǵa, sondai-aq adamdardy jumyspen qamtýǵa baǵyttalǵan. Bizdiń azamattarymyzdyń problemalaryn sheshý kóp jaǵdaida úilesimdi jumysqa bailanysty, — dedi QR Premer-Ministri».
