Úkimet basshysy Asqar Mamin AQSh-tyń Qazaqstandaǵy elshisi Ýiliam Mozermen kezdesti, dep habarlady QR premer-ministriniń resmi saity.
Kezdesý barysynda investitsiialyq salada, munai salasynda, agroónerkásiptik sektordaǵy yntymaqtastyqty odan ári damytý máseleleri talqylandy.
"Qurama Shtattar Qazaqstannyń basty seriktesteri men investorlarynyń biri bolyp qala bermek", — degen Qazaqstan premer-ministri ózara tiimdi is-qimyl kókjiegin keńeitýdiń mańyzdylyǵyn atap ótti.
2018 jyldyń qorytyndysy boiynsha Qazaqstan men AQSh arasyndaǵy taýar ainalymy 37,3%-ǵa 2,2 milliard dollarǵa deiin ósti. Amerikalyq investitsiialardyń Qazaqstan ekonomikasyna aǵymy 44,7%-ǵa artyp, 5,3 milliard dollarǵa jetip, jańa absoliýtti rekord ornatty.
"Investitsiialar tartyp, strategiialyq investitsiialyq jobalardy iske asyrý úshin investorlarǵa asa qolaily jaǵdai jasaýǵa erekshe nazar aýdarylady— dedi A. Mamin.
Onyń aitýynsha, jańa tásilder amerikalyq seriktester úshin neǵurlym qolaily jaǵdai jasaidy.
Perspektivaly eksportqa baǵdarlanǵan salalarda investitsiialyq jobalardy iske asyrý máselelerin tiimdi sheshý úshin tikelei sheteldik investitsiialar boiynsha Úilestirý keńesi jáne Tikelei sheteldik investitsiialar qory quryldy.
Ý. Mozer investitsiialyq ahýaldy jaqsartý tásilderin joǵary baǵalap, amerikalyq taraptyń yntymaqtastyqty qoldanystaǵy formatta jalǵastyrýǵa daiyn ekenin jetkizdi.
