Áleýmettik mańyzy bar azyq-túlik taýarlary baǵasynyń negizsiz ósýine múldem jol berilmeýi tiis. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Aýyl sharýashylyǵy ministrligi Ishki naryqty azyq-túlik taýarlarymen molyqtyrý jónindegi keshendi jospardy 2023 jyldyń aiaǵyna deiin qabyldaýdy qamtamasyz etsin. Ákimdiktermen birlesip, offteik kelisimsharttar men forvardty satyp alý aiasynda Azyq-túlik korporatsiiasynyń azyq-túlik taýarlarynyń jekelegen túrlerin satyp alýy máselesin pysyqtasyn. Ákimdiktermen birge áleýmettik mańyzy bar azyq-túlik taýarlaryn óndirýshilerge memlekettik qoldaý sharalaryn kórsetsin, onyń ishinde sýbsidiialaýdy, óndirýshilerdiń qarsy mindettemelerin belgileýdi qarastyrý qajet», - dedi Úkimet basshysy.
Sonymen qatar Asqar Mamin ákimdikterge Turaqtandyrý qorlarynyń qyzmetinde forvardty satyp alý shemasyn qoldanýdy, «qaitarymdy shemaǵa» qarajat bólýdi eleýli ulǵaitýdy tapsyrdy.
«Ákimdikter importqa táýeldi taýarlar óndirisin ulǵaitý boiynsha jobalardy basym túrde iske asyrýy qajet. Óte qajetti aýyl sharýashylyǵy daqyldarynyń egis alqaptaryn ulǵaitýdy qamtamasyz etý kerek. Ákimder men ministrlerge eskertemin - áleýmettik mańyzy bar azyq-túlik taýarlary baǵasynyń negizsiz ósýine múldem jol berilmeýi tiis», - dedi Premer-Ministr.
