ەلەۋمەتتٸك ماڭىزى بار ازىق-تٷلٸك تاۋارلارى باعاسىنىڭ نەگٸزسٸز ٶسۋٸنە مٷلدەم جول بەرٸلمەۋٸ تيٸس. بۇل تۋرالى بٷگٸن ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى قازاقپارات.
«اۋىل شارۋاشىلىعى مينيسترلٸگٸ ٸشكٸ نارىقتى ازىق-تٷلٸك تاۋارلارىمەن مولىقتىرۋ جٶنٸندەگٸ كەشەندٸ جوسپاردى 2023 جىلدىڭ اياعىنا دەيٸن قابىلداۋدى قامتاماسىز ەتسٸن. ەكٸمدٸكتەرمەن بٸرلەسٸپ, وففتەيك كەلٸسٸمشارتتار مەن فورۆاردتى ساتىپ الۋ اياسىندا ازىق-تٷلٸك كورپوراتسيياسىنىڭ ازىق-تٷلٸك تاۋارلارىنىڭ جەكەلەگەن تٷرلەرٸن ساتىپ الۋى مەسەلەسٸن پىسىقتاسىن. ەكٸمدٸكتەرمەن بٸرگە ەلەۋمەتتٸك ماڭىزى بار ازىق-تٷلٸك تاۋارلارىن ٶندٸرۋشٸلەرگە مەملەكەتتٸك قولداۋ شارالارىن كٶرسەتسٸن, ونىڭ ٸشٸندە سۋبسيدييالاۋدى, ٶندٸرۋشٸلەردٸڭ قارسى مٸندەتتەمەلەرٸن بەلگٸلەۋدٸ قاراستىرۋ قاجەت», - دەدٸ ٷكٸمەت باسشىسى.
سونىمەن قاتار اسقار مامين ەكٸمدٸكتەرگە تۇراقتاندىرۋ قورلارىنىڭ قىزمەتٸندە فورۆاردتى ساتىپ الۋ سحەماسىن قولدانۋدى, «قايتارىمدى سحەماعا» قاراجات بٶلۋدٸ ەلەۋلٸ ۇلعايتۋدى تاپسىردى.
«ەكٸمدٸكتەر يمپورتقا تەۋەلدٸ تاۋارلار ٶندٸرٸسٸن ۇلعايتۋ بويىنشا جوبالاردى باسىم تٷردە ٸسكە اسىرۋى قاجەت. ٶتە قاجەتتٸ اۋىل شارۋاشىلىعى داقىلدارىنىڭ ەگٸس القاپتارىن ۇلعايتۋدى قامتاماسىز ەتۋ كەرەك. ەكٸمدەر مەن مينيسترلەرگە ەسكەرتەمٸن - ەلەۋمەتتٸك ماڭىزى بار ازىق-تٷلٸك تاۋارلارى باعاسىنىڭ نەگٸزسٸز ٶسۋٸنە مٷلدەم جول بەرٸلمەۋٸ تيٸس», - دەدٸ پرەمەر-مينيستر.
