QR Premer-Ministri Asqar Mamin Qazaqstannyń Eýropalyq Odaqpen investitsiialyq yntymaqtastyǵy jónindegi dialogtyń 7-otyrysyn ótkizdi, dep habarlady "Ult aqparat" Úkimettiń baspasóz qyzmetine silteme jasap.
Jańartylatyn energiia kózderin damytý, QR-nyń tómen kómirtekti ekonomikaǵa kóshýi, sondai-aq dekarbonizatsiia protsesindegi yntymaqtastyq áleýeti máseleleri qaraldy. Jańartylatyn energetikany damytý perspektivalary týraly Eýropalyq Odaqtyń Ortalyq Aziia boiynsha arnaiy ókili Peter Býrian, Qazaqstanda akkredittelgen Niderland elshisi Andre Karstens, Germaniia elshisi Tilo Iohannes Klinner, Ortalyq Aziiadaǵy Germaniia ekonomikasy ókildiginiń basshysy Hovsep Voskanian, Ortalyq Aziia aimaǵyndaǵy «Eni» kompaniiasynyń basshysy Lýchano Vaskes, «Total Eren» bas direktory Terri Plezant baiandama jasady.
Qabyldanyp jatqan sharalar týraly ekologiia, geologiia jáne tabiǵi resýrstar ministri Maǵzum Myrzaǵaliev, energetika ministri Nurlan Noǵaev, qarjy ministri Erulan Jamaýbaev, sondai-aq «Samuryq-Qazyna» AQ basqarma tóraǵasy Almasadam Sátqaliev baiandady.
Qazaqstan ekonomikasyn transformatsiialaý jáne energiia tiimdiligin arttyrý, QR-nyń 2050 jylǵa deiingi tómen kómirtekti damý tujyrymdamasyn ázirleý jáne t. b. máseleler talqylandy.
«2020 jylǵy jeltoqsanda BUU aiasynda uiymdastyrylǵan Klimattyq ambitsiialar jónindegi sammitte QR Prezidenti Qasym-Jomart Toqaev Qazaqstannyń 2060 jylǵa qarai kómirtekti beitaraptyqqa qol jetkizý maqsaty týraly jariialady. Biz energiia óndirisiniń jalpy kóleminde jańartylatyn energiia kózderiniń úlesin arttyrý boiynsha barynsha kúsh-jiger jumsaimyz. Máselen, 2020 jylǵy jaǵdai boiynsha bul kórsetkish 3%-dy qurady, 2022 jyly ony 6%-ǵa deiin eki esege arttyrý josparlanýda. 2030 jylǵa qarai Qazaqstannyń energetikasyndaǵy jasyl energiianyń úlesi 15%-ǵa deiin jetkiziledi», — dedi A. Mamin.
Úkimet basshysy ázirlenip jatqan «Jasyl Qazaqstan» ulttyq jobasy aiasynda qoljetimdi jáne taza energiiany, turaqty qalalar men qoǵamdastyqtardy, jaýapty tutyný men óndiristi qosa alǵanda, BUU-nyń Turaqty damý maqsattaryna qol jetkizý jónindegi sharalardy iske asyrý josparlanyp otyrǵanyn jetkizdi.
Qazaqstanda turaqty damý mindetterin iske asyrý maqsatynda jańa Ekologiialyq kodeks qabyldandy, ol EYDU elderiniń qaǵidattary men standarttaryna sáikes keledi jáne biylǵy 1 shildede kúshine enedi. Elimizde «jasyl ekonomikany», onyń ishinde jańartylatyn energetikany damytýǵa, sýdy tiimdi paidalanýǵa jáne basqa da tabiǵi resýrstardy utymdy paidalanýǵa salynatyn memlekettik jáne jeke investitsiialar arttyrylýda.
