Almaty qala qurylysyn baqylaý basqarmasynyń mamandary «Alǵabas» shaǵynaýdanynda salynyp jatqan jańa úilerdiń qurylysyn tekserdi, dep habarlaidy "Ult aqparat".
«Alataý aýdanynyń 23 ýchaskesinde Aqyn Sara kóshesinen soltústikke qarai, Momyshuly kóshesinen batysqa qarai «Nurly jer» baǵdarlamasy boiynsha 23 kóppáterli úi salynyp jatyr. Jalpy alǵanda aýdany - 50,8 myń sharshy metr. 740 páter paidalanýǵa beriledi. Mamandar memlekettik baǵdarlamamen salynyp jatqan qurylys barysyn tekserdi. Merdiger uiymdarǵa birqatar eskertý jasaldy», - dedi basqarmadan.
Munyń aldynda qala ákimi Baqytjan Saǵyntaev «Nurly jer» baǵdarlamasy boiynsha salynyp jatqan úilerdiń qurylysyn tekserip shyqqan bolatyn.
Eske salaiyq, 11 jeltoqsanda Alataý aýdanyndaǵy «Zerdeli» shaǵyn aýdanynyń turǵyndary úileriniń qisaiǵanyn aityp, dabyl qaqqan bolatyn. Bul úiler memlekettik baǵdarlama aiasynda salynǵan.
Keiin Baqytjan Saǵyntaev qisaiǵan úidiń turǵyndarymen kezdesip, ákimdik olardy kóshirýge daiyn ekenin jetkizdi.
